'माझ्या मुलाने साकारलेली रामलल्लाची मूर्ती संपूर्ण जगाला दिसेल', अरुण योगीराजांच्या आईचे आनंदाश्रू थांबेना!|The whole world will see the statue of Ramlalla made by my son said Arun Yogirajs mother

‘माझ्या मुलाने साकारलेली रामलल्लाची मूर्ती संपूर्ण जगाला दिसेल’, अरुण योगीराजांच्या आईचे आनंदाश्रू थांबेना!

मूर्तीची निवड होताच, योगीराज कुटंबीयामध्ये आनंदाचे वातावरण

विशेष प्रतिनिधी

बंगळुरू : अयोध्येतील राम मंदिराच्या गर्भगृहात 22 जानेवारी रोजी स्थापित होणारी भगवान रामाची मूर्ती निश्चित झाली आहे. कर्नाटकातील शिल्पकार अरुण योगीराज यांनी बनवलेल्या मूर्तीला राम मंदिर ट्रस्टने अंतिम रूप दिले आहे. केंद्रीय मंत्री प्रल्हाद जोशी यांनी सोशल मीडियावर पोस्ट करून ही माहिती दिली आहे.The whole world will see the statue of Ramlalla made by my son said Arun Yogirajs mother

प्रभु रामचंद्राची मूर्ती ठरली; गर्भगृहात बसवणार 51 इंचाची उभी प्रतिमा; कर्नाटकातील निळ्या दगडापासून बनवली मूर्ती

अरुण योगीराज यांनी कृष्णशिलेवर अतिशय सुंदर अशी रामलल्लाची मूर्ती बनवली आहे. कर्नाटकातील करकला येथून कृष्ण शिला बाहेर काढण्यात आली आहे. गेल्या वर्षी फेब्रुवारी-मार्चमध्ये रामलल्लाची मूर्ती बनवण्यासाठी या दगडाची निवड करण्यात आली होती. यानंतर कर्नाटकातून 10 टन, 6 फूट रुंद आणि 4 फूट काळा दगड अयोध्येत आणण्यात आला, ज्यावर अरुण योगीराज यांनी रामलल्लाची सुंदर मूर्ती कोरली होती.

अरुण योगीराज हे प्रसिद्ध शिल्पकार योगीराज शिल्पी यांचे पुत्र आहेत. अरुणचे आजोबा वाडियार घराण्याच्या वाड्यांचे सुशोभीकरण करण्यासाठी ओळखले जातात. अरुण हे म्हैसूर राजवाड्यातील कलाकारांच्या कुटुंबातून येतात . अरुणला आपल्या पूर्वजांप्रमाणे शिल्पकार बनायचे नव्हते. 2008 मध्ये म्हैसूर विद्यापीठातून एमबीए केले. त्यानंतर त्यांनी एका खासगी कंपनीत नोकरी केली. अरुण महान शिल्पकार होईल असे भाकीत आजोबांनी केले होते आणि 37 वर्षांनी ते खरे ठरले.

त्याचवेळी, म्हैसूरचे शिल्पकार अरुण योगीराज यांनी घडवलेली भगवान रामाची मूर्ती अभिषेकसाठी निवडल्याची माहिती केंद्रीय मंत्र्यांनी सोशल मीडियावर देताच योगीराज यांच्या घरात आनंदाची लाट उसळली. म्हैसूरमधील अरुण योगीराज यांची आई, पत्नी आणि बहीण या सर्वांना खूप आनंद झाला. अरुण यांच्या आई सरस्वती यांना आनंदाश्रू आवरता आले नाहीत.

त्या म्हणाल्या, मी खूप आनंदी आहे, आज अरुणचे वडील हयात असते तर ते आणखी आनंदी झाले असते. माझ्या मुलाने साकारलेली रामाची मूर्ती संपूर्ण जगाला दिसेल, यापेक्षा मोठा आनंद दुसरा असूच शकत नाही.