रामलल्लाची तिसरी मूर्तीही आली समोर, जाणून घ्या राम मंदिरात कुठे बसवणार?|The third idol of Lord Rama also came to light in Ayodhya know where Rama will be installed in the temple

रामलल्लाची तिसरी मूर्तीही आली समोर, जाणून घ्या राम मंदिरात कुठे बसवणार?

याआधी एक पांढऱ्या रंगाची मूर्ती समोर आली होती, जी मंदिराच्या पहिल्या मजल्यावर स्थापित केली जाऊ शकते

विशेष प्रतिनिधी

नवी दिल्ली : अयोध्येतील राम मंदिरात रामलल्लाचा अभिषेक संपन्न झाला. यानंतर रामलल्लाची दुसरी मूर्ती समोर आली आणि आता तिसरी मूर्तीही समोर आली आहे. ही मूर्ती बंगळुरूचे शिल्पकार जीएस भट यांनी बनवली आहे.The third idol of Lord Rama also came to light in Ayodhya know where Rama will be installed in the temple

अरुण योगीराज यांनी तयार केलेल्या मूर्तीची राम मंदिरात प्राणप्रतिष्ठा करण्यात आली आहे. तर मिळालेल्या माहितीनुसार, दुसरी आणि तिसरी मूर्तीही मंदिरातच बसवण्यात येणार आहे. मात्र, मंदिरात मूर्ती कुठे बसवायची याचा निर्णय राम तीर्थ क्षेत्र समिती घेणार आहे. ही मूर्ती कुठे बसवायची हे समितीने अद्याप ठरवलेले नाही.

बालक राम नावाने ओळखली जाणार रामलल्लाची नवी मूर्ती; पुजारी म्हणाले- देव लहान मुलासारखा, त्याचे वय 5 वर्षे

याआधी एक पांढऱ्या रंगाची मूर्ती समोर आली होती जी मंदिराच्या पहिल्या मजल्यावर स्थापित केली जाऊ शकते. या मूर्तीचे शिल्पकार सत्य नारायण पांडे आहेत. वास्तविक, राम मंदिराच्या गर्भगृहात तीन मूर्तींची स्थापना करण्यात आली होती, त्यापैकी गडद रंगाची मूर्ती स्थापित करण्यात आली आहे.

रामल्लाची तिसरी मूर्तीही काळ्या रंगाची आहे. उजव्या हातात बाण आणि डाव्या हातात धनुष्य दिसत आहे. प्राणप्रतिष्ठा झालेल्या मूर्तींमध्ये प्रभू रामाच्या हातात दिसणारे धनुष्य आणि बाण सोन्याचे होते, परंतु या मूर्तीमध्ये धनुष्य आणि बाण देखील काळा रंगाचे दिसतात.