भाजप खासदार बृजभूषण शरण सिंह यांच्याविरोधात आज आरोपपत्र दाखल होण्याची शक्यता, 15 जूनपर्यंतचे मिळाले होते आश्वासन

वृत्तसंस्था

नवी दिल्ली : भारतीय कुस्ती महासंघाचे (WFI) माजी प्रमुख बृजभूषण शरण सिंह यांच्याविरुद्ध महिला कुस्तीपटूंकडून लैंगिक छळ केल्याप्रकरणी दाखल केलेल्या गुन्ह्यात दिल्ली पोलीस गुरुवारी आरोपपत्र दाखल करण्याची शक्यता आहे. अधिकाऱ्यांनी ही माहिती दिली.The possibility of filing a charge sheet against BJP MP Brijbhushan Sharan Singh today, the assurance was received by June 15

केंद्रीय क्रीडामंत्री अनुराग ठाकूर यांनी 7 जून रोजी ऑलिम्पिक पदक विजेते कुस्तीपटू बजरंग पुनिया आणि साक्षी मलिक यांची भेट घेतली होती आणि आंदोलक कुस्तीपटूंना 15 जूनपर्यंत आरोपपत्र दाखल करण्याचे आश्वासन दिले होते. या आश्वासनानंतर पैलवानांनी आपले आंदोलन थांबवले होते. एका वरिष्ठ पोलिस अधिकाऱ्याने सांगितले की, “15 जून (गुरुवार) पर्यंत या प्रकरणात आरोपपत्र दाखल केले जाईल, असे आश्वासन मंत्र्यांनी पैलवानांना दिले असल्याने, आम्ही त्याचे पालन करू.”

• बृजभूषण शरण सिंहांना भारतीय कुस्ती महासंघाच्या अध्यक्षपदावरुन हटवण्याचा निर्णय

दिल्ली पोलिसांनी मागवली माहिती

अधिकाऱ्यांनी सांगितले की, तपासादरम्यान दिल्ली पोलिसांनी बृजभूषण शरण सिंह यांच्याकडून झालेल्या लैंगिक छळाच्या कथित घटनांबाबत माहिती घेण्यासाठी इतर पाच देशांच्या कुस्ती संघटना/संघांना पत्रे लिहिली आहेत, परंतु त्यांच्या उत्तराची प्रतीक्षा आहे. उत्तर मिळाल्यानंतर पुरवणी आरोपपत्र दाखल केले जाईल, असे अधिकाऱ्यांनी सांगितले. त्यांनी सांगितले की, स्पर्धेचे फोटो आणि व्हिडीओ, सामन्यादरम्यान कुस्तीपटू ज्या ठिकाणी थांबले होते त्या ठिकाणचे सीसीटीव्ही फुटेज इत्यादी प्रदान करण्याची विनंती करणारी नोटीस बजावण्यात आली आहे.

विशेष तपास पथकाने 180 हून अधिक जणांची चौकशी केली आहे. पोलिसांचे पथक भाजप खासदार बृजभूषण यांच्या उत्तर प्रदेशातील गोंडा येथील निवासस्थानीही गेले. जिथे त्यांनी खासदाराचे नातेवाईक, सहकारी, घरगुती कर्मचारी आणि त्यांच्या सहकाऱ्यांचे जबाब नोंदवले. दुसरीकडे, सूत्रांवर विश्वास ठेवायचा झाल्यास, बृजभूषण शरण सिंह यांचे कुटुंबीय पात्रता असूनही महासंघाच्या आगामी निवडणुका लढवणार नाहीत. विशेष म्हणजे WFI अध्यक्ष, वरिष्ठ उपाध्यक्ष, चार उपाध्यक्ष, सरचिटणीस, कोशाध्यक्ष, दोन सहसचिव आणि पाच कार्यकारिणी सदस्यांसाठी 6 जुलै रोजी निवडणूक होणार आहे.

The possibility of filing a charge sheet against BJP MP Brijbhushan Sharan Singh today, the assurance was received by June 15

महत्वाच्या बातम्या 

• महाराष्ट्र शासन, NSE आणि ‘मनी बी’ यांच्यात त्रिपक्षीय सामंजस्य करार
• UCC : समान नागरी कायद्याची दीर्घ प्रतिक्षा संपण्याच्या बेतात; कायदे आयोगाने नागरिक, धार्मिक संघटनांकडून मागविल्या सूचना
• तामिळनाडूत तपासासाठी आता CBIला घ्यावी लागणार परवानगी
• विरोधकांचे होईना ऐक्य, तरी लोकसभेच्या मुदतपूर्व निवडणुकांचे नितीश कुमार यांचे भाकीत!!

Join WhatsApp Channel

Join WhatsApp Channel