भारत-पाकिस्तान सामन्यावर दहशतवादी हल्ल्याचे सावट!

By, Pravin Wankhade - May 30, 2024 05:00:21

0

ISISकडून मिळाली धमकी

विशेष प्रतिनिधी

नवी दिल्ली : T20 विश्वचषक 2024 मध्ये भारत आणि पाकिस्तान यांच्यात न्यूयॉर्कमध्ये सामना रंगणार आहे. हा सामना ९ जून रोजी होणार आहे. या सामन्याबाबत एक धक्कादायक माहिती समोर आली आहे. एका रिपोर्टनुसार, भारत आणि पाकिस्तान यांच्यातील सामन्यावर दहशतवादी हल्ल्याचा धोका आहे. मात्र, याबाबत अद्याप कोणतीही अधिकृत माहिती समोर आलेली नाही. रिपोर्टनुसार, ISIS ने धमकी दिली आहे.Terrorist attack on India Pakistan border

भारत आणि पाकिस्तान यांच्यातील सामन्यासाठी पोलिसांनी कडक सुरक्षा व्यवस्था केली आहे. मात्र दहशतवादी हल्ल्याच्या बातमीने सर्वांचीच चिंता वाढली आहे. मीडिया रिपोर्ट्सनुसार, ISIS-K ने लोन वुल्फच्या हल्ल्याबद्दल सांगितले आहे.

पाकिस्तानी त्रांगडे; एकीकडे नवाज शरीफांनी मागितली भारताची माफी; दुसरीकडे पाकिस्तानचा माजी राजदूत मागतोय काश्मीर!!

यासंदर्भात एक व्हिडिओ जारी करण्यात आला आहे. यामध्ये हल्लेखोरांनी सामन्यादरम्यान समस्या वाढवल्याबद्दल बोलले आहे. या प्रकरणाबाबत नासाऊ काउंटीचे पोलिस आयुक्त पॅट्रिक रायडर यांनी धमकीला पुष्टी दिली आहे. सुरक्षेबाबतही चर्चा आहे.

न्यूयॉर्कच्या गव्हर्नर कॅथी हॉचुल यांनी भारत आणि पाकिस्तान सामन्याबाबत प्रतिक्रिया दिली आहे. त्यांनी X वर एक पोस्ट शेअर केली आणि सांगितले की “माझी टीम क्रिकेट वर्ल्ड कपच्या तयारीसाठी फेडरल आणि कायदेशीर अधिकाऱ्यांसोबत जवळून काम करत आहे. सामन्याला उपस्थित असलेल्या लोकांच्या सुरक्षेची आम्ही पूर्ण काळजी घेऊ.

टीम इंडिया आपले बहुतेक सामने न्यूयॉर्कमध्ये खेळणार आहे. 2024 च्या टी-20 विश्वचषकापूर्वी ती एक सराव सामना खेळणार आहे. यामध्ये त्याचा सामना बांगलादेशशी होणार आहे. यानंतर ९ जून रोजी भारत आणि पाकिस्तान यांच्यात सामना होणार आहे. टीम इंडियाचा पहिला सामना ५ जून रोजी आयर्लंडविरुद्ध होणार आहे.