Pavel Durov : टेलिग्राम ॲपचे सीईओ पावेल ड्युरॉव यांना फ्रान्समध्ये अटक, खासगी जेटने अझरबैजानला जात होते

By, Pravin Wankhade - August 25, 2024 06:00:20

0

वृत्तसंस्था

पॅरिस : टेलिग्राम मेसेजिंग ॲपचे अब्जाधीश संस्थापक आणि सीईओ पावेल ड्युरॉव ( Pavel Durov ) यांना शनिवारी संध्याकाळी पॅरिसच्या बाहेर बोर्जेट विमानतळावर अटक करण्यात आली. TF1 TV आणि BFM TV ने अज्ञात स्रोतांचा हवाला देऊन हे वृत्त दिले आहे. मिळालेल्या माहितीनुसार, ड्युरॉव त्यांच्या खासगी जेटने अझरबैजानला जात होते.

पोलीस तपासाचा एक भाग म्हणून अटक वॉरंटनंतर त्यांना अटक करण्यात आली आहे. या तपासणीत टेलीग्रामवर मॉडरेटरच्या कमतरतेवर लक्ष केंद्रित केले आहे. पोलिसांचा असा विश्वास आहे की, मॉडरेटरच्या कमतरतेमुळे मेसेजिंग ॲपवर गुन्हेगारी कृत्ये विनाअडथळा सुरू राहू शकतात.

Upendra Dwivedi : ‘मणिपूरमध्ये विश्वास आणि शांतता सुनिश्चित करणे हे मुख्य उद्दिष्ट’,

2014 मध्ये रशिया सोडला

दुबईस्थित टेलिग्रामची स्थापना रशियन वंशाच्या ड्युरोव यांनी केली होती. त्यांनी विकलेल्या व्हीके सोशल मीडिया प्लॅटफॉर्मवर विरोधी समुदायांचा आवाज दाबण्यासाठी सरकारी मागण्यांचे पालन करण्यास नकार दिल्यानंतर त्याने 2014 मध्ये रशिया सोडला.

रशिया, युक्रेन आणि माजी सोव्हिएत देशांमध्ये प्रभाव असलेले टेलिग्राम हे फेसबुक, यूट्यूब, व्हॉट्सॲप, इंस्टाग्राम, टिकटॉक आणि वीचॅटनंतरचे सर्वात प्रमुख सोशल मीडिया प्लॅटफॉर्म आहे. पुढील वर्षी एक अब्ज वापरकर्त्यांपर्यंत पोहोचण्याचे त्याचे लक्ष्य आहे.

रशिया-युक्रेन युद्धाशी संबंधित कंटेंटसाठी प्रमुख व्यासपीठ

यावर टेलिग्रामने अद्याप कोणतीही प्रतिक्रिया दिलेली नाही. फ्रान्सचे गृह मंत्रालय आणि पोलिसांकडून अद्याप कोणतीही प्रतिक्रिया आलेली नाही. 2022 मध्ये रशियाने युक्रेनवर आक्रमण केल्यापासून, युद्धाच्या सभोवतालच्या राजकारणासंदर्भात दोन्ही बाजूंकडून ‘अनफिल्टर्ड कंटेंट’साठी टेलिग्राम हे सर्वात प्रमुख व्यासपीठ बनले आहे.

रशिया आणि युक्रेनची सरकारे वापरतात

हे मेसेजिंग ॲप हे युक्रेनचे राष्ट्राध्यक्ष झेलेन्स्की आणि त्यांच्या अधिकाऱ्यांसाठी संवादाचे मुख्य माध्यम आहे. क्रेमलिन आणि रशियन सरकारदेखील त्यांच्या बातम्या शेअर करण्यासाठी त्याचा वापर करतात. टेलिग्राम हे अशा काही प्लॅटफॉर्मपैकी एक बनले आहे जिथे रशियन युद्धाशी संबंधित कंटेंट मिळवता येतो.