तेलंगणाच्या राज्यपाल तमिलिसाई सुंदरराजन यांचा राजीनामा, लढणार लोकसभा निवडणूक!|Telangana Governor Tamilisai Sundararajan resigns Lok Sabha elections to be fought

तेलंगणाच्या राज्यपाल तमिलिसाई सुंदरराजन यांचा राजीनामा, लढणार लोकसभा निवडणूक!

सुंदरराजन दोन दशकांहून अधिक काळ भाजपमध्ये होत्या.

विशेष प्रतिनिधी

नवी दिल्ली : तेलंगणाच्या राज्यपाल तमिलीसाई सुंदरराजन, ज्यांच्याकडे पुद्दुचेरीच्या नायब राज्यपालपद कार्यभारही आहे, त्यांनी सोमवारी आपल्या पदाचा राजीनामा दिला. त्यांनी आपला राजीनामा राष्ट्रपती भवनाकडे पाठवला आहे. त्या पुन्हा निवडणुकीच्या राजकारणात उतरण्याची शक्यता आहे.Telangana Governor Tamilisai Sundararajan resigns Lok Sabha elections to be fought

काँग्रेस आणि BRSने मिळून तेलंगणाच्या विकासाच्या प्रत्येक स्वप्नाचा चुराडा केला – मोदी

2019 पर्यंत तामिळनाडू भाजपचे प्रमुख असलेले सुंदरराजन यांची सप्टेंबर 2019 मध्ये तेलंगणाचे राज्यपाल म्हणून नियुक्ती करण्यात आली. विद्यमान किरण बेदी यांना हटवण्यात आल्यानंतर तमिलीसाई सुंदरराजन यांना पुद्दुचेरीच्या नायब राज्यपालपदाचा अतिरिक्त कार्यभार देण्यात आला होता.

सुंदरराजन या काँग्रेसच्या दिग्गज कुमारी अनंतन यांच्या कन्या आहेत. राज्यपालपदी पाठवण्यापूर्वी सुंदरराजन दोन दशकांहून अधिक काळ भाजपमध्ये होत्या. सुंदरराजन या प्रभावशाली नागर समाजातून आलेल्या आहेत. त्यांनी 2019 मध्ये तामिळनाडू लोकसभा निवडणूक लढवली होती, द्रमुकच्या कनिमोझी यांच्याकडून थुथुकुडी येथे मोठ्या फरकाने पराभव झाला होता. सध्या त्यांना भाजपचे उमेदवार म्हणून रिंगणात उतरवले जाऊ शकते, असे वृत्त आहे.