तेलंगणा काँग्रेस महिलांना प्रत्येकी 1 तोळा सोने देण्याची शक्यता; जाहीरनाम्यात 1 लाख रोख, विद्यार्थ्यांना फ्री इंटरनेटच्या घोषणांची चर्चा|Telangana Congress likely to give 1 tola gold each to women; 1 lakh cash in the manifesto, free internet for students is discussed

तेलंगणा काँग्रेस महिलांना प्रत्येकी 1 तोळा सोने देण्याची शक्यता; जाहीरनाम्यात 1 लाख रोख, विद्यार्थ्यांना फ्री इंटरनेटच्या घोषणांची चर्चा

विशेष प्रतिनिधी

हैदराबाद : तेलंगणा काँग्रेस आपल्या निवडणूक जाहीरनाम्यात मुलींच्या लग्नात एक तोळा (10 ग्रॅम) सोने देण्याची घोषणा करू शकते. विद्यार्थ्यांना मोफत इंटरनेटचे आश्वासन दिले जाऊ शकते. पीटीआय या वृत्तसंस्थेने तेलंगाणा प्रदेश काँग्रेस कमिटीचे अध्यक्ष डी श्रीधर बाबू यांच्या हवाल्याने हे वृत्त दिले आहे.Telangana Congress likely to give 1 tola gold each to women; 1 lakh cash in the manifesto, free internet for students is discussed

त्याचवेळी काँग्रेसच्या जाहीरनामा समितीच्या सदस्याचे म्हणणे आहे की, आम्ही सत्तेत आलो तर विद्यार्थ्यांना मोफत इंटरनेट देण्यासाठी सर्व्हिस प्रोव्हायडर कंपन्यांशी चर्चा करू.

काँग्रेस : मध्य प्रदेश, छत्तीसगड, तेलंगणात 229 उमेदवारांपैकी फक्त 5 मुसलमान; शिवराज विरोधात काँग्रेसचे हनुमान!!

KCR सरकार विवाहयोग्य मुलींना 1 लाख रुपयांहून अधिक रक्कम देत आहे

तेलंगाणात, मुख्यमंत्री आणि भारत राष्ट्र समिती (BRS) प्रमुख के चंद्रशेखर राव यांचे सरकार कल्याण लक्ष्मी आणि शादी मुबारक योजना चालवत आहे. या अंतर्गत तेलंगाणातील मुलींना (ज्यांनी वयाची 18 वर्षे पूर्ण केली आहेत) लग्नाच्या वेळी 1 लाख 116 रुपयांची मदत दिली जात आहे. यामध्ये ज्या मुलींच्या पालकांचे वार्षिक उत्पन्न 2 लाख रुपयांपेक्षा कमी आहे, अशा मुलींना मदत केली जात आहे.

बीआरएस म्हणाले- काँग्रेस कोणतेही वचन देऊ शकते

काँग्रेसच्या संभाव्य आश्वासनांवर बीआरएसचे प्रवक्ते श्रावण दासोजू म्हणाले की, कर्नाटकचे काँग्रेस सरकार निवडणूक आश्वासने पूर्ण करण्यात अपयशी ठरले आहे. ते चंद्र सोडून काहीही वचन देऊ शकतात. तेलंगाणाचे मुख्यमंत्री त्यांच्या विशेष योजना आणि त्यांच्या अंमलबजावणीसाठी ओळखले जातात. मुख्यमंत्री केसीआर गरिबांसाठी अशा योजना आणतात ज्याचा इतर पक्ष विचारही करू शकत नाहीत. केसीआर हे गरिबांसाठी खूप उदार आणि दयाळू आहेत.

सत्ताधारी BRS चे रु. 400 मध्ये सिलिंडर देण्याचे वचन

मुख्यमंत्री केसीआर यांनी रविवारी 15 ऑक्टोबर रोजी त्यांच्या पक्षाचा जाहीरनामा प्रसिद्ध केला होता. यामध्ये एलपीजी सिलिंडर 400 रुपयांना मिळणार असल्याचे सांगण्यात आले. 15 लाखांचे आरोग्य कवच दिले जाईल असेही सांगण्यात आले.

दलित बंधू योजनेंतर्गत प्रत्येक कुटुंबाला 10 लाख रुपयांची मदत दिली जाईल, असेही बीआरएसच्या जाहीरनाम्यात म्हटले होते. KCR विमा योजनेअंतर्गत, 93 लाख BPL कुटुंबांचा प्रत्येकी 5 लाख रुपयांचा विमा उतरवला जाईल. सामाजिक निवृत्ती वेतन 5 हजार रुपये करण्यात येणार आहे.