सनातन धर्माला मलेरिया, डेंगीचे लांछन लावणाऱ्या उदयनिधी स्टॅलिनचा “ताप” तहसीन पूनावालांनी उतरवला!!

By, Pravin Pawar - September 3, 2023 02:30:06

0

विशेष प्रतिनिधी

नवी दिल्ली : सनातन धर्माला मलेरिया, डेंगीचे लांछन लावणाऱ्या उदयनिधी स्टालिन यांचा “ताप” तहसील पूनावाला यांनी उतरवला. आपल्या ट्विटर हँडल वरून तहसीन पूनावाला यांनी हिंदू धर्माची विशेषताच उदयनिधी स्टालिन यांना सुनावली. Tehseen poonawalla exposed udayanidhi stalin over his hate speech remarks on sanatan dharma

सनातन धर्म म्हणजे मलेरिया, डेंगी आणि कोरोना असल्याचे लांछन तामिळनाडूचे मुख्यमंत्री एम. के. स्टालिन यांचे पुत्र आणि तामिळनाडूचे मंत्री उदयनिधी स्टालिन यांनी लावले होते. सनातन धर्माचे निर्मूलन करण्याची भाषा त्यांनी वापरली होती. त्यावर तामिळनाडूमध्ये प्रचंड संताप उसळला. उदयनिधींना सोशल मीडियावर अनेकांनी ट्रोल केले, पण त्या पलीकडे जाऊन सनातन धर्माची वैशिष्ट्ये अधोरेखित करत तहसीन पूनावाला यांनी उदयनिधी स्टालिन यांचा निषेध केला आणि नफरत के बाजार में मोहब्बत की दुकान करणाऱ्या राहुल गांधींना काही बोचरे सवाल केले.

सनातन धर्माइतका वैविध्य आणि वैशिष्ट्य असणारा दुसरा धर्म नाही. ती एक जीवन पद्धती आहे. तो सर्वांना सामावून घेणारा धर्म आहे. सनातन धर्माने आत्तापर्यंत अनेक सुधारणा केल्या आणि पचविल्या आहेत. सनातन धर्माचे लोक भगवान राम आणि भगवान श्रीकृष्ण यांची पूजा करतात हे दोघेही ब्राह्मण नव्हते. उलट रामाने तर रावण नावाच्या ब्राह्मणाला मारले तरी देखील रामाची पूजा होते. रामाचा जन्मोत्सव साजरा होतो. पण उदयनिधी स्टालिन यांनी स्वतःचे राजकारण साधून घेण्यासाठी सनातन धर्माविषयी बेलगाम उद्गार काढले, हे देशातली जनता कधीही सहन करणार नाही.

The Hindu way of Life has seen the most reforms in our beautiful country and is the absolutely most inclusive way of life…
Those who follow Sanatan DHARMA even they worship Lord Rama & Bhagwan Krishna both of who were not born as Bramhins and infact Lord Rama killed Ravan, a… https://t.co/URM8mLwm0f

— Tehseen Poonawalla Official 🇮🇳 (@tehseenp) September 3, 2023

My take on the statement by #UdhayanidhiStalin & support by Congress leader P. #Chidambaram sir's son Karti P Chidambaram..
Do Congress leaders many of who themselves follow Sanata Dharma accept these povs? How is this statement by #UdhayanidhiStalin not hate speech? The Hindu…

— Tehseen Poonawalla Official 🇮🇳 (@tehseenp) September 3, 2023

राहुल गांधींना परखड सवाल

उदयनिधी स्टालिन यांच्या वक्तव्याचा हवाला देऊन तहसील पूनावाला यांनी राहुल गांधींना प्रश्न विचारले आहेत. ते नफरतच्या बाजारात मोहब्बतचे दुकान उघडून बसले आहेत. पण त्यांना उदयनिधी स्टालिन यांचे “हेट स्पीच” दिसत नाही का?? अशाच आशयाचे उद्गार एखाद्या भाजपच्या नेत्याने मुस्लिम किंवा अन्य धर्माविषयी काढले असते तर त्याला त्यांनी “हेट स्पीचचे” लेबल लावले नसते का?? कोणत्याही धर्माविरुद्ध असले उद्गार हे हेट स्पीच मानले पाहिजे, असा निर्वळ सुप्रीम कोर्टाने दिला आहे. खुद्द काँग्रेस पक्षात अनेक जण सनातनधर्मीय आहेत. पी. चिदंबरम यांचे चिरंजीव तामिळनाडूतले खासदार कार्ती चिदंबरम तरी उदयनिधी स्टालिन यांच्या वक्तव्याला पाठिंबा देतील का??, असा परखड सवालाही तहसीन पूनावालांनी केला.

त्यामुळे आता राहुल गांधी आणि काँग्रेस पक्षाने उदयनिधी स्टालिन यांच्या वक्तव्याचा निषेध करावा किंवा त्याचा खुलासा करावा, अशी आग्रही मागणी तहसील पूनावाला यांनी केली.