तामिळनाडू : मनी लाँड्रिंग प्रकरणात मंत्री व्ही. सेंथील बालाजीच्या निकटवर्तीयाची 30 कोटींची जमीन जप्त! Tamil Nadu In money laundering case Minister V Senthil Balajis close relatives land worth 30 crore seized

तामिळनाडू : मनी लाँड्रिंग प्रकरणात मंत्री व्ही. सेंथील बालाजीच्या निकटवर्तीयाची 30 कोटींची जमीन जप्त!

छापेमारीनंतर ईडीने करूर येथील मालमत्तेचा पर्दाफाश केला.

विशेष प्रतिनिधी

कोईम्बतूर : अंमलबजावणी संचालनालयाने (ईडी) मनी लाँड्रिंग प्रकरणात तामिळनाडूचे मंत्री सेंथिल बालाजी यांच्या मेहुण्याची 2.49 एकर जमीन जप्त केली आहे. या जमिनीची किंमत 30 कोटींहून अधिक आहे. बुधवारी छापेमारीनंतर ईडीने करूर येथील मालमत्तेचा पर्दाफाश केला. ही जमीन जप्त करण्यात आली आहे. ईडीने निवेदनात म्हटले आहे की, ही जमीन करूर जिल्ह्यातील सेलम बायपासवर आहे. Tamil Nadu In money laundering case Minister V Senthil Balajis close relatives land worth 30 crore seized

अमलबजावणी संचालनालयाने (ईडी) मनी लाँड्रिंग प्रकरणाच्या चौकशीच्या संदर्भात तामिळनाडूचे मंत्री व्ही. सेंथील बालाजी यांच्या निकटवर्तीयाच्या घरावर या अगोदरच छापे टाकले आहेत. यादरम्यान 16 लाखांहून अधिक किमतीच्या बेहिशेबी मौल्यवान वस्तू आणि 22 लाख रुपयांची रोकड जप्त करण्यात आलेली आहे.

3 ऑगस्ट रोजी, राज्याच्या कोईम्बतूर आणि करूर जिल्ह्यातील व्ही. सेंथील बालाजी यांच्याशी संबंधित नऊ ठिकाणी छापे टाकण्यात आले होते. ते सध्या न्यायालयीन कोठडीत चेन्नईच्या पुझल मध्यवर्ती कारागृहात आहेत.

व्ही. सेंथील बालाजी हे एमके स्टॅलिन यांच्या नेतृत्वाखालील तामिळनाडू सरकारमध्ये मंत्री म्हणून काम करत आहेत. राज्य परिवहन विभागातील नोकऱ्यांसाठी रोख रकमेच्या घोटाळ्याशी संबंधित मनी लाँड्रिंग प्रकरणात अंमलबजावणी संचालनालयाने (ईडी) 14 जून रोजी त्यांना अटक केली होती.