Tamil Nadu : तामिळनाडूत मालगाडी रुळावरून घसरली, 5 डब्यांना आग; 52 बोगीमध्ये होते डिझेल, 40 वेगळ्या केल्या

By, Pravin Wankhade - July 14, 2025 09:00:27

0

वृत्तसंस्था

तिरुवल्लूर : Tamil Nadu मनालीहून कर्नाटकला जाणारी डिझेल मालगाडी जोलारपेटमार्गे तामिळनाडूतील तिरुवल्लूर रेल्वे स्थानकाजवळ रुळावरून घसरली. त्यानंतर तिला आग लागली. सुरुवातीला पाच बोग्यांना आग लागली. रविवारी पहाटे ५.३० वाजता ही घटना घडली. मालगाडीत ५२ बोगी होत्या.Tamil Nadu

जिल्हाधिकारी एम प्रताप यांनी सांगितले की, जळत्या ट्रेनपासून ४० डबे वेगळे करण्यात आले आहेत. त्याच वेळी, रेल्वे स्थानकाभोवती राहणाऱ्या लोकांना बाहेर काढून सुरक्षित ठिकाणी नेण्यात आले.Tamil Nadu

Devendra Fadanvis : जागतिक अर्थव्यवस्थेच्या नकाशावर लँडिंग करण्यासाठी नवी मुंबईहून टेक ऑफ!!

जवळपासची शहरे आणि जिल्ह्यांमधूनही अग्निशमन दलाच्या पथकांना पाचारण केले जात आहे. आग जवळजवळ आटोक्यात आली आहे.

मालगाडीला आग लागल्याने गाड्यांच्या वेळा बदलल्या

या रेल्वे अपघातामुळे, डॉ. एमजीआर चेन्नई सेंट्रल स्टेशनवरून निघणाऱ्या अनेक गाड्या रद्द करण्यात आल्या किंवा त्यावर परिणाम झाला. दक्षिण रेल्वेने एका निवेदनात म्हटले आहे की, तिरुवल्लूरजवळ आगीच्या घटनेमुळे, सुरक्षिततेच्या उपाय म्हणून ओव्हरहेड वीज बंद करण्यात आली आहे. यामुळे, रेल्वेच्या वेळा बदलण्यात आल्या आहेत. प्रवाशांना प्रवास करण्यापूर्वी नवीनतम अपडेट्स तपासण्याचा सल्ला देण्यात येत आहे.