दक्षिणी स्टालिनपुत्राचा उत्तरी अवतार; स्वामी प्रसाद मौर्यांचे हिंदू धर्माला गालिप्रदान!!

By, Pravin Wankhade - December 26, 2023 10:30:43

0

वृत्तसंस्था

नवी दिल्ली : दक्षिणी स्टालिनपुत्राचा उत्तरी अवतार पुन्हा एकदा “उगवला” आहे. अखिलेश यादवांच्या समाजवादी पार्टीचे नेते स्वामी प्रसाद मौर्य यांनी हिंदू धर्माला गालिप्रदान केले आहे. Swami Prasad Maurya’s abuse of Hinduism

स्वामी प्रसाद मौर्य म्हणाले :

हिंदू हा धोखा म्हणजे फसवणूक आहे. तसेही 1995 मध्ये सुप्रीम कोर्टानेच सांगितले होते की हिंदू नावाचा कोणता धर्म नाही. ती एक जीवनशैली आहे. RSS प्रमुख मोहन भागवत पण एकदा नाही तर दोनदा म्हणालेच होते की हिंदू नावाचा कोणता धर्म नाही. ती जीवनशैलीच आहे. जीवन जगण्याची कला आहे. पंतप्रधान नरेंद्र मोदी यांनी देखील हेच सांगितले होते की हिंदू हा धर्म नाही. हे सगळे लोक जेव्हा अशी वक्तव्ये करतात, तेव्हा कोणाला काही शंका येत नाहीत. कुणाच्या भावना दुखवत नाहीत. पण स्वामी प्रसाद मौर्य हेच सांगयला लागला की, देशात लगेच मोठा राजकीय भूकंप होतो.

#WATCH दिल्ली: समाजवादी पार्टी के नेता स्वामी प्रसाद मौर्य का कहना है, ''… हिंदू एक धोखा है… वेसै भी 1995 में सुप्रीम कोर्ट ने कहा था कि हिंदू कोई धर्म नहीं है, यह जीवन जीने की एक शैली है। RSS प्रमुख मोहन भागवत ने भी दो बार कहा है कि चुके हैं कि हिंदू नाम का कोई धर्म नहीं है,… pic.twitter.com/7nVsBK56jL

— ANI_HindiNews (@AHindinews) December 26, 2023

हे तेच स्वामी प्रसाद मौर्य आहेत की, ज्यांनी रामचरित मानस आणि गीता या ग्रंथांचा अपमान केला होता. हे तामिळनाडूचे मुख्यमंत्री एम. के. स्टालिन यांचे पुत्र उदयनिधी स्टालिन यांचाच उत्तरी अवतार आहेत. उदयनिधी स्टालिन यांनी सनातन धर्माचा अपमान केला होता. सनातन धर्म हा डेंगी, मलेरिया, एड्स आहे. या रोगांचे जसे आपण निर्मूलन करतो, तसे आपण सनातन धर्माचे निर्मूलन केले पाहिजे, अशी मुक्ताफळे उदयनिधी स्टालिन यांनी उधळली होती.

स्वामी प्रसाद मौर्यांनी देखील हिंदू धर्माला धोखा म्हणताना मोहन भागवत आणि पंतप्रधान नरेंद्र मोदींचा खोटा हवाला दिला. मोहन भागवत आणि मोदी हे हिंदू धर्म नव्हे, ती एक जीवनशैली आहे, हे जरूर म्हणाले होते, पण हिंदू हा धोखा आहे, असे कधीच म्हणाले नव्हते. स्वामी प्रसाद मौर्यांनी हिंदू धर्म हा धोखा आहे, असे म्हणून हिंदू धर्म आणि हिंदू समाजाचा अपमान केला आहे.