जम्मू-काश्मीरला हादरवण्याचा दहशतनवाद्यांचा कट जवानांनी उधळला! Srinagar-Baramulla highway
विशेष प्रतिनिधी
श्रीनगर : जम्मू-काश्मीरमध्ये पुन्हा एकदा दहशतवादी कारवाया तीव्र झाल्या आहेत. दरम्यान, सोमवारी सकाळी श्रीनगर-बारामुल्ला राष्ट्रीय महामार्गावरील टीसीपी पल्हालनजवळ एक संशयास्पद बॅग आढळून आल्यानंतर घबराट पसरली. बॅगची माहिती मिळताच मोठ्या संख्येने सुरक्षा दल घटनास्थळी पोहोचले. त्यानंतर सुरक्षा दलांनी बॅगची तपासणी केली. तपासादरम्यान बॅगेत इम्प्रोव्हाइज्ड एक्सप्लोसिव्ह डिव्हाईस (आयईडी) ठेवल्याचे आढळून आले. यानंतर सुरक्षा दलांनी ते उद्ध्वस्त केले. त्यामुळे जम्मू-काश्मीरमध्ये दहशत माजवण्याचा दहशतवाद्यांचा प्रयत्न पुन्हा एकदा फसला.
Pankaja Munde : पंकजा मुंडेंनी घेतली मुख्यमंत्री देवेंद्र फडणवीसांची भेट; मराठवाड्यातील समस्यांवर, कामगारांच्या स्थलांतरावर चर्चा
याआधी रविवारी (8 डिसेंबर) उधमपूरमध्ये पोलिस बंदोबस्तात दोन पोलिसांचे मृतदेह सापडले होते. एके-47 रायफलमधून गोळी लागल्याने दोघांचा मृत्यू झाल्याचे सुरुवातीला आढळून आले. तपासात समोर आले की, दोन सैनिकांमध्ये काही कारणावरून वाद झाला होता. यानंतर एका पोलीस कर्मचाऱ्याने आपल्या सहकाऱ्यावर गोळी झाडली. त्यानंतर स्वत:वर गोळी झाडून आत्महत्या केली.
रविवारी सकाळी 6.30 वाजण्याच्या सुमारास दोन्ही पोलीस कर्मचारी सोपोरहून रियासी येथील तलवाडा प्रशिक्षण केंद्राकडे शासकीय वाहनाने जात असताना ही घटना घडली. गाडीत आणखी एक पोलिसही होता. यावेळी गाडी रांबळे परिसरातील काली माता मंदिराजवळ येताच दोन पोलिसांमध्ये काही कारणावरून बाचाबाची झाली.
To be published, comments must be reviewed by the administrator.*
Our website uses cookies to improve your experience. Learn more
Download App