BBCच्या कार्यालयांतील ITचे सर्वेक्षण संपले : सुमारे 60 तास चालली प्राप्तिकर विभागाची कारवाई

By, Pravin Wankhade - February 17, 2023 08:30:18

0

वृत्तसंस्था

नवी दिल्ली : BBCच्या दिल्ली आणि मुंबईतील कार्यालयात प्राप्तिकर विभागाचे सर्वेक्षण गुरुवारी तिसऱ्या दिवशीही संपले. BBC कार्यालयातून आयटी अधिकारी काही कागदपत्रे आणि डेटा घेऊन परतले. सर्वेक्षणादरम्यान ही कागदपत्रे गोळा करण्यात आली आहेत.Survey of IT at BBC offices ends: Nearly 60 hours of Income Tax action

प्राप्तिकर विभागाने मंगळवारी दुपारी 12 वाजल्यापासून BBCच्या दिल्ली आणि मुंबई कार्यालयात ‘सर्वेक्षण’ सुरू केले, जे गुरुवारी रात्री 10च्या सुमारास संपले.

द फोकस एक्सप्लेनर : BBCच्या कार्यालयांवर का झाला इन्कम टॅक्सचा सर्व्हे? सर्व्हे आणि छापे यात काय फरक आहे? वाचा सविस्तर

प्राप्तिकर विभागाची ही कारवाई संपल्यानंतर BBCने एक निवेदन जारी केले की, प्राप्तिकर पथक आमच्या दिल्ली आणि मुंबई कार्यालयातून परतले आहेत. आम्ही तपासात सहकार्य करत राहू. या प्रकरणावर लवकरच तोडगा निघेल अशी आशा आहे.

Update on India: pic.twitter.com/rghvE6OpfQ

— BBC News Press Team (@BBCNewsPR) February 16, 2023

BBCने एका निवेदनात म्हटले आहे की, आम्ही आमच्या कर्मचार्‍यांच्या पाठीशी उभे आहोत, त्यापैकी काहींची तासनतास चौकशी करण्यात आली आणि काहींना चौकशीसाठी रात्रभर कार्यालयात राहावे लागले. त्यांची काळजी घेणे हे आमचे प्राधान्य आहे. आमचे कामकाज आता पूर्वपदावर आले आहे आणि आम्ही भारतातील आणि बाहेरील आमच्या प्रेक्षकांसाठी आणि वाचकांसाठी सक्रिय राहू.

निवेदनात म्हटले आहे की, BBC ही एक विश्वासार्ह, स्वतंत्र माध्यम संस्था आहे. आम्ही आमचे सहकारी आणि पत्रकार यांच्या पाठीशी उभे आहोत, जे आपले काम न घाबरता किंवा पक्षपात न करता करत राहतील.

BBC इंडियाने यापूर्वी आपल्या सर्व कर्मचाऱ्यांना तपासात सहकार्य करण्यास सांगितले होते. यासोबतच कर्मचाऱ्यांना त्यांच्या इलेक्ट्रॉनिक उपकरणांमधून कोणताही डेटा डिलीट न करण्याच्या सूचना देण्यात आल्या आहेत. प्रत्यक्षात प्राप्तिकर विभाग करातील अनियमिततेबाबत ही तपासणी करत होता.

या संदर्भात BBCने बुधवारी आपल्या कर्मचाऱ्यांना पाठवलेल्या संदेशात म्हटले होते की, त्यांनी कर अधिकाऱ्यांना सहकार्य करण्यास तयार राहावे. आयटीच्या दिल्ली आणि मुंबई कार्यालयांवर छापे टाकल्यानंतर BBCने आपल्या उच्च अधिकाऱ्यांना तपासात सहकार्य करण्यास सांगितले होते. यासाठी BBC इंडियाने आपल्या कर्मचाऱ्यांना मार्गदर्शक तत्त्वांची यादी पाठवली होती. या मार्गदर्शक सूचनांमध्ये कर्मचाऱ्यांनी काय करावे आणि काय करू नये हे सांगण्यात आले होते.