देशभर विद्यार्थ्यांचे कोरोना प्रतिबंधक लसीकरण सुरू; अनेक मुख्यमंत्र्यांचा पुढाकार

By, Vishal Joshi - January 3, 2022 12:39:59

0

वृत्तसंस्था

नवी दिल्ली : पंतप्रधान नरेंद्र मोदी यांनी जाहीर केल्याप्रमाणे आज देशभरात विद्यार्थ्यांच्या कोरोना प्रतिबंधक लसीकरणाला सुरुवात झाली आहे.अनेक राज्यांच्या मुख्यमंत्र्यांनी विविध ठिकाणी लसीकरण केंद्रांमध्ये उपस्थित राहून विद्यार्थ्यांच्या लसीकरणाच्या कार्यक्रमाचे उद्घाटन केले. आसाम मध्ये मुख्यमंत्री हेमंत विश्वशर्मा, बिहार मध्ये मुख्यमंत्री नितीश कुमार, तामिळनाडू मुख्यमंत्री एम. के. स्टालिन, महाराष्ट्रात आरोग्य मंत्री राजेश टोपे, मध्य प्रदेशात मुख्यमंत्री शिवराज सिंग चौहान, कर्नाटकात बसवराज बोम्मई, उत्तर प्रदेशात योगी आदित्यनाथ, राजस्थान मध्ये अशोक गहलोत तसेच जम्मू-काश्मीरमध्ये राज्यपाल मनोज सिन्हा, गोव्यात मुख्यमंत्री डॉ. प्रमोद सावंत आदींनी स्वतः उपस्थित राहून आपापल्या राज्यांमध्ये विद्यार्थ्यांच्या लसीकरणाला सुरुवात केली आहे. Students vaccination begins in India

Madhya Pradesh CM Shivraj Singh Chouhan launches vaccination program for children between 15 to 18 years of age

"All our effort is to ensure that schools & markets remain open & state economy keeps running, while COVID19 is defeated. For that, we have to vaccinate," he says pic.twitter.com/NFIjqupWJ7

— ANI (@ANI) January 3, 2022

देशभरात ओमायक्रॉनचा धोका वाढत असताना विद्यार्थ्यांचे लसीकरण महत्त्वाचे आहे. ओमायक्रोनचा फैलाव जरी वेगाने होत असला तरी त्याची लक्षणे सौम्य आहेत आणि रुग्ण बरे होण्याचे प्रमाणही वेगात आहेत, अशी माहिती उत्तर प्रदेशचे मुख्यमंत्री योगी आदित्यनाथ यांनी दिली आहे.

शाळा आणि महाविद्यालयाचा सुरू झाली आहेत. त्यामुळे तातडीने लॉकडाऊन लावून शाळा महाविद्यालये बंद करण्याची परिस्थिती येऊ नये, असे आमचे प्रयत्न आहेत असे मध्य प्रदेशचे मुख्यमंत्री शिवराज सिंग यांनी सांगितले. अनेक राज्यांच्या मुख्यमंत्र्यांनी लोग डाऊन विषयी प्रतिकूल मत व्यक्त केले असून लॉकडाऊनपेक्षा लसीकरण कार्यक्रमावर भर देण्याचा प्रयत्न असल्याचे त्यांनी स्पष्ट केले आहे.