वृत्तसंस्था
बंगळुरू : कर्नाटकचे मुख्यमंत्री सिद्धरामय्या ( Siddaramaiah ) गुरुवारी एका पत्रकारावर चिडले. पत्रकाराने त्यांना राजीनाम्याविषयी प्रश्न विचारला होता. सिद्धरामय्या यांनी रिपोर्टरचा माईक झटकला आणि गरज असेल तेव्हा फोन करून सांगेन असे म्हटले. सिद्धरामय्या यांनी मुख्यमंत्रीपद सोडावे, अशी विरोधकांची मागणी आहे. राजीनाम्याच्या मागणीसाठी भाजप आणि जनता दल सेक्युलर गुरुवारी विधानसभेबाहेर निदर्शने करत आहेत.
वास्तविक, म्हैसूर अर्बन डेव्हलपमेंट अथॉरिटी (MUDA) घोटाळ्याप्रकरणी सिद्धरामय्या चौकशीच्या फेऱ्यात अडकले आहेत. या घोटाळ्याप्रकरणी कर्नाटकचे राज्यपाल थावरचंद गेहलोत यांनी सिद्धरामय्या यांच्या विरोधात चौकशीचे आदेश दिले होते. या विरोधात सिद्धरामय्या उच्च न्यायालयात गेले, पण न्यायालयानेही तपासाचे आदेश योग्य असून तो व्हायला हवा, असे सांगितले.
कर्नाटकातील विशेष न्यायालयाने लोकायुक्त पथकाकडे तपास सोपवला आहे. लवकरच त्यांच्यावर एफआयआर दाखल होऊ शकतो. मुडा जमीन घोटाळ्यात सिद्धरामय्या, त्यांची पत्नी, मेहुणा आणि काही अधिकाऱ्यांची नावे आहेत. टीजे अब्राहम, प्रदीप आणि स्नेहमोयी कृष्णा या कार्यकर्त्यांनी आरोप केला होता की मुख्यमंत्र्यांनी MUDA अधिकाऱ्यांशी संगनमत करून 14 महागड्या साइट्स मिळवल्या आहेत.
तपासाविरोधात सिद्धरामय्या यांची याचिका उच्च न्यायालयात फेटाळण्यात आली
24 सप्टेंबर रोजी उच्च न्यायालयाने MUDA घोटाळ्याप्रकरणी सिद्धरामय्या यांची चौकशी करण्याचे राज्यपाल थावरचंद गेहलोत यांचे आदेश कायम ठेवले होते. न्यायमूर्ती एम. नागप्रसन्ना यांनी राज्यपालांच्या आदेशाविरुद्ध सिद्धरामय्या यांची याचिका फेटाळून लावली.
कोर्टाने म्हटलं की- ‘याचिकेत नमूद केलेल्या गोष्टींची चौकशी करणे आवश्यक आहे. या प्रकरणात मुख्यमंत्र्यांचे कुटुंब सहभागी आहे, त्यामुळे याचिका फेटाळण्यात आली आहे.
16 ऑगस्ट रोजी, राज्यपालांनी सिद्धरामय्या यांच्यावर भ्रष्टाचार प्रतिबंधक कायदा, 1988 च्या कलम 17A आणि भारतीय नागरी सुरक्षा संहिता (BNSS), 2023 च्या कलम 218 अंतर्गत खटला चालवण्याची परवानगी दिली होती. याला मुख्यमंत्र्यांनी 19 ऑगस्ट रोजी उच्च न्यायालयात आव्हान दिले होते.
काय आहे MUDA प्रकरण
1992 मध्ये, म्हैसूर अर्बन डेव्हलपमेंट अथॉरिटी (MUDA) या नागरी विकास संस्थेने निवासी क्षेत्र विकसित करण्यासाठी शेतकऱ्यांकडून जमिनी घेतल्या. त्या बदल्यात, MUDA च्या प्रोत्साहनात्मक 50:50 योजनेअंतर्गत, जमीन मालकांना विकसित जमीन किंवा पर्यायी जागेत 50% जागा देण्यात आली.
MUDA वर 2022 मध्ये सिद्धरामय्या यांच्या पत्नी पार्वती यांना म्हैसूरमधील कसाबा होबळी येथील कसारे गावात 3.16 एकर जमिनीच्या बदल्यात म्हैसूरच्या पॉश भागात 14 जागा दिल्याचा आरोप आहे. या स्थळांची किंमत पार्वतींच्या जमिनीपेक्षा खूप जास्त होती.
मात्र, या 3.16 एकर जमिनीवर पार्वतीचा कोणताही कायदेशीर हक्क नव्हता. ही जमीन पार्वतींचा भाऊ मल्लिकार्जुन यांनी 2010 मध्ये भेट म्हणून दिली होती. ही जमीन संपादित न करता MUDA ने देवनूर स्टेज 3 लेआउट विकसित केला होता.
Siddaramaiah’s anger on the question of resignation, demand of the opponents – leave the chair
महत्वाच्या बातम्या
- Aadhaar PAN : केंद्र सरकारने आधार, पॅन कार्डची माहिती लीक करणाऱ्या वेबसाइट केल्या ब्लॉक!
- 3 Param Rudra : PM मोदींनी केले 3 ‘परम रुद्र सुपर कॉम्प्युटर’चे उद्घाटन
- Sambhji Raje : मनोजराव, आता कुणाला भेटू नका, विश्रांती घ्या; आठवडाभरात दुसऱ्यांदा भेटून संभाजीराजेंचा सल्ला!!
- Devendra Fadnavis : “देवेंद्र फडणवीस यांचे विरोधकांच्या प्रश्नांना विकासकामातून उत्तर
