Rahul Gandhi : राहुल गांधींना संभळ न्यायालयाने पाठवली नोटीस

By, Pravin Wankhade - March 21, 2025 06:00:09

0

४ एप्रिल रोजी न्यायालयात हजर राहण्याचे दिले निर्देश

विशेष प्रतिनिधी

संभल : Rahul Gandhi उत्तर प्रदेशातील संभळ येथील खासदार-आमदार न्यायालयाने विरोधी पक्षनेते आणि काँग्रेस खासदार राहुल गांधी यांना समन्स बजावले आहेत. न्यायालयाने त्यांना नोटीस बजावली आणि ४ एप्रिल रोजी न्यायालयात हजर राहण्याचे किंवा त्यांचे उत्तर दाखल करण्याचे आदेश दिले. राहुल गांधी यांच्या एका विधानाविरुद्ध ही नोटीस बजावण्यात आली आहे.Rahul Gandhi

अतिरिक्त जिल्हा न्यायाधीश (ADJ-II) निर्भय नारायण सिंह यांनी एका याचिकेवर ही नोटीस जारी केली आहे. हिंदू शक्ती दलाच्या राष्ट्रीय अध्यक्षा सिमरन गुप्ता यांनी न्यायालयात याचिका दाखल केली आहे. १५ जानेवारी रोजी नवी दिल्लीतील नवीन काँग्रेस मुख्यालयाच्या उद्घाटनादरम्यान, राहुल गांधी म्हणाले होते की ते भाजप आणि आरएसएस तसेच भारतीय राज्याशी लढत आहेत, असा आरोप सिमरन यांनी केला. तसेच या विधानामुळे लोकांच्या भावना दुखावल्या गेल्या आहेत.

Supriya sule शरद पवारांचे “हे” टेक्निक आत्मसात करायचा सुप्रिया सुळेंचा डाव, पण…!!

न्यायालयात याचिका दाखल करण्यापूर्वी सिमरन यांनी संभळचे जिल्हा अधिकारी आणि पोलिस अधीक्षकांकडे तक्रार केली होती. तथापि, जेव्हा राहुल गांधींवर कोणतीही कारवाई झाली नाही, तेव्हा त्यांनी २३ जानेवारी रोजी संभळ जिल्हा न्यायालयात याचिका दाखल केली. या प्रकरणात वकील सचिन गोयल यांनी सांगितले की, न्यायालयाने त्यांची तक्रार स्वीकारली आहे. न्यायालयाने याचिकेवर गांभीर्य व्यक्त केले आणि राहुल गांधींना नोटीस बजावली. या प्रकरणाची पुढील सुनावणी नियोजित वेळी होईल.