रशियात विमान दुर्घटना, 23 प्रवासी घेऊन जाणारे विमान कोसळले, 16 जणांचा मृत्यू, 7 जखमी । Russia plane crashed in menzelinsk tatarstan region, Fear Of 16 People Death

रशियात विमान दुर्घटना, 23 प्रवासी घेऊन जाणारे विमान कोसळले, 16 जणांचा मृत्यू, 7 जखमी

वृत्तसंस्था

मॉस्को : रशियाच्या तातारस्तान प्रदेशातील मेंझेलिंस्क येथे रविवारी एक विमान कोसळले. विमानात 21 पॅराशूट डायव्हर्ससह 23 जण होते. 23 पैकी 7 जणांना वाचवण्यात यश आले आहे. रशियन वृत्तसंस्था तासने ही माहिती दिली आहे. Russia plane crashed in menzelinsk tatarstan region, Fear Of 16 People Death

तासच्या वृत्तानुसार, आपत्कालीन मंत्रालयाने सांगितले की, पॅराशूट डायव्हर्सना घेऊन जाणारे विमान रविवारी मध्य रशियामध्ये कोसळले. या अपघातात 16 जणांचा मृत्यू झाल्याची भीती आहे. यापूर्वीही रशियाच्या दुर्गम भागात विमान अपघात झाले आहेत. विमाने जुनी असल्याचे कारण सांगितले जात आहे.

रशिया बनविणार अवकाशात चित्रीकरण झालेला जगातील पहिला चित्रपट, चित्रीकरणासाठी अभिनेत्रीचे अवकाशात उड्डाण

आपत्कालीन सेवांमधील एका सूत्राने तासला सांगितले की, लेट एल -410 टर्बोलेट विमान मेंझेलिंस्क शहरात कोसळले. हे एअरो क्लबच्या मालकीचे होते. सूत्रानुसार, मॉस्कोच्या वेळेनुसार हे विमान सुमारे 09.11 वाजता कोसळले. सूत्राने सांगितले की, विमानात 23 जण होते. रशियन आपत्कालीन मंत्रालयाच्या प्रेस सेवेने तासला सांगितले की, विमानातील सात जणांची सुटका करण्यात आली आहे. सूत्रांनी सांगितले की, अग्निशमन आणि बचाव पथकाने आणखी चार लोकांना वाचवले आहे आणि इतरांची सुटका करण्याचे काम सुरू आहे.