आजपासून सर्वसामान्यांना पाहता येणार राष्ट्रपती भवन, आधी करा ऑनलाइन बुकिंग, आठवड्यातून 6 दिवस सुविधा|Rashtrapati Bhavan can be seen by general public from today, do online booking in advance, facility 6 days a week

आजपासून सर्वसामान्यांना पाहता येणार राष्ट्रपती भवन, आधी करा ऑनलाइन बुकिंग, आठवड्यातून 6 दिवस सुविधा

वृत्तसंस्था

नवी दिल्ली : राष्ट्रपती द्रौपदी मुर्मू यांच्या पुढाकाराने राष्ट्रपती भवन आठवड्यातील 6 दिवस सर्वसामान्यांसाठी खुले करण्याचा निर्णय घेण्यात आला आहे. 1 जूनपासून सामान्य नागरिकांना राष्ट्रपती भवन पाहता येणार आहे. हे फक्त सोमवार आणि सरकारी सुटीच्या दिवशी सर्वसामान्यांसाठी बंद असेल.Rashtrapati Bhavan can be seen by general public from today, do online booking in advance, facility 6 days a week

चेंज ऑफ गार्ड सोहळाही पाहता येणार

सध्या ही सुविधा आठवड्यातून फक्त पाच दिवस उपलब्ध आहे. राष्ट्रपती भवनाला भेट देण्याची वेळ सकाळी 9.30 ते दुपारी 4.30 पर्यंत असेल. ऑनलाइन बुकिंगची सुविधा उपलब्ध असेल. यादरम्यान, तुम्ही सात टाइम स्लॉटमध्ये बुक करू शकाल.

ऑनलाइन गेमिंग कंपन्यांवर धडक कारवाई, देशभरात 25 ठिकाणी सक्तवसुली संचालनालयाची धाड

मंगळवार ते रविवार या कालावधीत राष्ट्रपती भवनाचे संग्रहालय संकुलही पर्यटकांसाठी खुले राहणार आहे. राष्ट्रपती भवन परिसरात दर शनिवारी होणाऱ्या चेंज ऑफ गार्ड सोहळ्याचा आनंद सर्वसामान्य प्रेक्षकांनाही घेता येणार आहे. या कार्यक्रमाची वेळ दर शनिवारी सकाळी 8 ते 9 अशी असेल.

तथापि, अभ्यागतांना अद्याप राष्ट्रपती भवनातील केवळ त्या ठिकाणांना भेट देता येईल, जी अभ्यागतांसाठी आधीच खुली आहेत. राष्ट्रपती भवनाच्या अधिकाऱ्याने सांगितले की, येथे भेट देण्यासाठी अभ्यागतांना आगाऊ ऑनलाइन बुकिंग करावे लागेल. राष्ट्रपती भवनातील वेगवेगळ्या सर्किटमध्ये लोकांना फिरण्याची सोय आहे.

राष्ट्रपती भवनात 340 खोल्या

राष्ट्रपती भवन हे देशाच्या राष्ट्रपतींचे निवासस्थान आहे. त्याचे बांधकाम 1912 मध्ये सुरू झाले. ही इमारत प्रसिद्ध वास्तुविशारद सर एडविन लुटियन्स आणि हर्बर्ट बेकर यांच्या डिझाइनवर आधारित आहे. सर लुटियन्सनी ‘एच’ आकाराची इमारत तयार केली जी पाच एकरांवर बांधली गेली आहे. या इमारतीत चार मजले आणि 340 खोल्या आहेत. इमारत बांधण्यासाठी 29,000 हून अधिक मजुरांना सुमारे 17 वर्षे लागली.