‘भारत आता कमकुवत नाही’ म्हणत ब्रिटनमध्ये राजनाथ सिंह यांचा चीनला इशारा!

By, Pravin Wankhade - January 11, 2024 01:00:55

0

संरक्षण सामग्रीच्या निर्यातीच्या बाबतीत पहिल्या 25 देशांमध्ये आहोत, असंही म्हणाले आहेत.

विशेष प्रतिनिधी

ब्रिटन : केंद्रीय संरक्षण मंत्री राजनाथ सिंह सध्या ब्रिटनच्या दौऱ्यावर आहेत. यावेळी त्यांनी चीनबाबत मोठी गोष्ट सांगितली. ते म्हणाले की, भारत चीनला आपला प्रतिस्पर्धी मानत नाही. कदाचित चीनला तसं वाटत असावं. राजनाथ सिंह म्हणाले की, आम्ही कोणालाही आमचे प्रतिस्पर्धी मानत नाही. 2020 मध्ये दोघांमध्ये आमने-सामने लढत झाली आणि आमच्या सैनिकांनी त्यांचा पराभव केला.Rajnath Singh warning to China in Britain saying now India is not weak

ते म्हणाले की, कदाचित यामुळेच चीनचा भारताबाबतचा दृष्टिकोन बदलला आहे. भारत आता दुबळा राहिलेला नाही, याची जाणीव त्यांना झाली आहे. संरक्षण मंत्र्यांनी सांगितले की, पूर्वी आपण संरक्षण उपकरणांचे सर्वात मोठे आयातदार होतो, परंतु आता आपण संरक्षण सामग्रीच्या निर्यातीच्या बाबतीत पहिल्या 25 देशांमध्ये आहोत.

संरक्षणमंत्री राजनाथ सिंह यांचे चीन बॉर्डरवर तवांग मध्ये शस्त्रपूजन; जवानांसमवेत विजयादशमी साजरी!!

त्याचवेळी ब्रिटनबाबत राजनाथ सिंह म्हणाले की, भारताला ब्रिटनसोबत समृद्ध भागीदारी हवी आहे. ते म्हणाले की, भारत आणि ब्रिटनमधील संबंध खूप चांगले आहेत. दोन्ही देश मिळून अनेक मोठ्या गोष्टी करू शकतात. ब्रिटनचे संरक्षण मंत्री ग्रँट शॅप्स यांच्यासमवेत यूके-भारत संरक्षण उद्योग सीईओ गोलमेज बैठकीची सह-अध्यक्षता करताना राजनाथ सिंह म्हणाले की, पंतप्रधान मोदींच्या नेतृत्वाखाली भारत सातत्याने पुढे जात आहे.

ते म्हणाले की, भारताची अर्थव्यवस्था सतत विस्तारत आहे. भारत 2047 पर्यंत विकसित राष्ट्र बनू शकतो. यावेळी राजनाथ सिंह यांनी भारत आणि ब्रिटनमधील धोरणात्मक भागीदारीवर भर दिला. ब्रिटनच्या दौऱ्यात राजनाथ सिंह यांनी ब्रिटनचे पंतप्रधान ऋषी सुनक, संरक्षण मंत्री ग्रँट शॅप्स आणि परराष्ट्र मंत्री डेव्हिड कॅमेरून यांच्यासह अनेक नेत्यांची भेट घेतली.