Hardeep Singh Puri : राहुल गांधींची मानसिकता जिनासारखी; त्यांना रक्ताने माखलेला देश पाहायचा आहे, केंद्रीय मंत्री हरदीपसिंग पुरी यांची टीका

By, Pravin Wankhade - September 19, 2024 03:00:18

0

वृत्तसंस्था

नवी दिल्ली : केंद्रीय पेट्रोलियम मंत्री हरदीप पुरी ( Hardeep Singh Puri ) यांनी म्हटले की, ‘राहुल गांधी यांची मानसिकता पाकिस्तानचे संस्थापक मोहम्मद अली जिना यांच्यासारखी आहे. त्यांना देशात फुटीरतावादी विचार वाढवायचा आहे. रक्ताने माखलेला देश पाहायचा आहे.

हरदीप पुरी हे अमेरिकेतील वॉशिंग्टन डीसी येथे आहेत. पुरी म्हणाले- ‘राहुल भारतात राहत असताना कधीही शिखांबद्दल बोलले नाहीत. ते सत्तेवर असताना शीख लोक भीतीने जगत होते. 1984 मध्ये शिखांनाही बसमधून फेकण्यात आले होते. शीख पगडी घालायलाही घाबरत.

राहुल यांनी पगडी-कड्यावर प्रश्न उपस्थित केला होता

राहुल गांधी यांनी गेल्या महिन्यात तीन दिवसांच्या अमेरिका दौऱ्यात शीख धर्मीयांवर वक्तव्य केले होते. ते म्हणाले होते- ‘भारतातील लढा हा भारतातील शिखांना पगडी घालण्याची परवानगी देणार का, त्यांना कडा घालण्याची परवानगी दिली जाईल का यावर आहे. हे फक्त शिखांबाबत नाही, तर सर्व धर्मांबद्दल आहे.

ladki bahin yojana : लाडकी बहिणी योजनेचा महाराष्ट्रात महायुतीला फायदा नाही, पवारांचा दावा; मग हरियाणात काँग्रेसचे काय होईल??

पुरी म्हणाले- मी 62 वर्षांपासून पगडी घालतो

पुरी म्हणाले- राहुल गांधींना विचारले पाहिजे की कोणत्या शिखाने म्हटले आहे की त्यांना भारतात पगडी किंवा कडा घालण्यापासून रोखले आहे. मी 62 वर्षांपासून पगडी घालतो. मी लहानपणापासून कडा घालते. मला कधीही कोणतीही अडचण आली नाही.

शीख भारतात पगडी घालू शकतात की नाही हा प्रश्न केवळ शिखांमध्ये असुरक्षिततेची भावना निर्माण करण्यासाठी आहे. अमेरिकेत राहणारे भारतीय, ज्यांचा भारताशी संपर्क नाही. त्यांना सोशल मीडियाच्या माध्यमातून देशातील परिस्थिती समजते. भारतात शीख धर्मीयांना धोका आहे हे राहुल यांच्या वक्तव्यावरून त्यांना वाटत असेल.

मोदींनी काळ्या यादीतून शिखांची नावे काढून टाकली

पुरी म्हणाले- शिखांसाठी आता इतका चांगला काळ कधीच नव्हता. पंतप्रधानांनी सर्व तक्रारींचा विचार केला आहे. काळ्या यादीतून शिखांची नावे काढून टाकणे असो. कर्तारपूर साहिब कॉरिडॉर बांधला.