राहुल द्रविडचा मोठा निर्णय, ‘BCCI’ची ‘ही’ खास ऑफर नाकारली!


मुख्य प्रशिक्षक राहुल द्रविडचा कार्यकाळ आता संपला आहे. त्यानंतर गौतम गंभीरने नवे मुख्य प्रशिक्षकपद स्वीकारले आहे. Rahul Dravids big decision BCCIs special offer rejected

विशेष प्रतिनिधी

नवी दिल्ली : टीम इंडियाला 2024 च्या टी-20 वर्ल्ड कपमध्ये चॅम्पियन बनवणाऱ्या मुख्य प्रशिक्षक राहुल द्रविडचा कार्यकाळ आता संपला आहे. त्यानंतर गौतम गंभीरने नवे मुख्य प्रशिक्षकपद स्वीकारले आहे. राहुलने विश्वचषकादरम्यान खेळाडूंसोबत कठोर मेहनत करून संघाला मजबूत केले. संघाला चॅम्पियन बनवण्यात महत्त्वाची भूमिका बजावणाऱ्या राहुल द्रविडला बीसीसीआयला विशेष बक्षीस द्यायचे होते, मात्र द्रविडने त्याच्या उर्वरित सहकाऱ्यांसाठी बीसीसीआयची ही ऑफर नाकारली आहे.

द्रविडने बीसीसीआयची ऑफर नाकारली

टी-20 विश्वचषक 2024 चे विजेतेपद जिंकून टीम इंडिया भारतात परतली तेव्हा बीसीसीआयने वानखेडे स्टेडियमवर सर्व खेळाडूंचा सन्मान केला. यावेळी बीसीसीआयने संपूर्ण संघ आणि कोचिंग स्टाफला 125 कोटी रुपयांचा धनादेशही दिला होता. या 125 कोटी रुपयांपैकी प्रशिक्षक राहुल द्रविडसह संघातील खेळाडूंना 5 कोटी रुपये मिळणार होते, तर उर्वरित गोलंदाजी प्रशिक्षक पारस म्हांबरे, क्षेत्ररक्षण प्रशिक्षक टी दिलीप आणि फलंदाजी प्रशिक्षक विक्रम राठोड यांना प्रत्येकी 2.5 कोटी रुपये मिळणार होते.

बीसीसीआयची ५ कोटींची ऑफर राहुलने नाकारली. हिंदुस्तान टाईम्सशी बोलताना बीसीसीआयच्या एका सूत्राने सांगितले की, राहुल द्रविडलाही इतर प्रशिक्षकांप्रमाणेच रक्कम घ्यायची होती. बीसीसीआय त्यांच्या निर्णयाचा आदर करते.

राहुल द्रविडच्या कोचिंग आणि रोहित शर्माच्या नेतृत्वाखाली टीम इंडियाला पहिल्यांदाच विश्वचषक जिंकता आले. यापूर्वी, राहुलच्या कोचिंगमध्ये टीम इंडियाने 2023 च्या एकदिवसीय विश्वचषक स्पर्धेत चमकदार कामगिरी केली होती, परंतु अंतिम फेरीत संघ ऑस्ट्रेलियाकडून पराभूत झाला होता.

Rahul Dravids big decision BCCIs special offer rejected

 

महत्वाच्या बातम्या

Array

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात