pro-Khalistan लंडनमध्ये भारतीय हाय कमिशन समोर आंदोलन करणाऱ्या खलिस्तानवाद्यांना तिथल्या तिथे भारतीयांचे चोख प्रत्युत्तर!!

लंडनमध्ये भारतीय हाय कमिशन समोर आंदोलन करणाऱ्या खलिस्तानवाद्यांना तिथल्या तिथे भारतीयांचे चोख प्रत्युत्तर!!

वृत्तसंस्था

लंडन : भारताच्या प्रजासत्ताक दिनाचे निमित्त साधून खलिस्तानवादी समर्थकांनी ब्रिटनची राजधानी लंडनमध्ये भारतीय हाय कमिशन समोर आंदोलन केले. परंतु, या आंदोलनाला लंडन मधल्या भारतीयांनी तिथल्या तिथे चोख आणि खणखणीत प्रत्युत्तर दिले.

लंडन सह युरोपमध्ये खलिस्तानवाद्यांचा लिबरल विश्वात जोर चालतो. त्यामुळे भारतीय राष्ट्रीय सण समारंभाच्या दिवशी मुद्दामून खलिस्तानवादी किंवा अन्य फुटीरतावादी भारता विरुद्ध आंदोलन करतात. युरोपीय माध्यमे त्या आंदोलनांना मोठी प्रसिद्धी देतात. परंतु आता युरोप मधले भारतीय देखील जागृत झाले असून ते फुटीरतावाद्यांच्या विरोधात तिथल्या तिथे उतरून प्रतिआंदोलन करताना दिसतात.

#WATCH | London, UK: Protest by a pro-Khalistan mob outside the Indian High Commission in London was met with counter-protest from the Indian diaspora. pic.twitter.com/emR6UumK0D

— ANI (@ANI) January 26, 2025

हेच चित्र आज लंडनमध्ये दिसले. भारतीय हाय कमिशन समोर खलिस्तानवाद्यांनी आंदोलन छेडताच भारतीयांनी त्यांच्या समोरच तिरंगा हातात घेऊन खलिस्तान आणि पाकिस्तान विरोधात जोरदार घोषणा देत निदर्शने केली.