प्रियंका गांधींच्या मुलांची इंस्टाग्राम अकाउंट हॅक?; प्रियांकांच्या तक्रारीची इलेक्ट्रॉनिक्स मंत्रालयाकडून दखल, करणार चौकशी

By, Pravin Wankhade - December 22, 2021 11:32:38

0

वृत्तसंस्था

नवी दिल्ली : केंद्रातील मोदी सरकार सक्तवसुली संचालनालय अर्थात ईडी, प्राप्तिकर खाते – आयटी, सीबीआय आणि अन्य तपास संस्थांचा गैरवापर करत आहेच, ते फोन टॅपिंगही करतात. पण आता माझ्या मुलांची देखील इंस्टाग्राम अकाउंटस् ते हॅक करत आहेत, असा खळबळजनक आरोप काँग्रेसच्या सरचिटणीस प्रियांका गांधी यांनी केला आहे. prinayaka gandhi had alleged that the government is hacking Instagram accounts of her children

प्रियांका गांधींच्या या आरोपांची केंद्र सरकारच्या इलेक्ट्रॉनिक्स आणि कम्युनिकेशन मंत्रालयाने गंभीर दखल घेतली असून लवकरच या आरोपांसंदर्भात चौकशी करण्यात करण्यात येईल, असे सरकारी सूत्रांनी आज स्पष्ट केले आहे. प्रियांका गांधी यांनी आपल्या मुलांची इंस्टाग्राम अकाउंटस् हॅक करण्याचा आरोप करून नवा राजकीय बॉम्ब फोडला आहे. त्या लखनऊ मध्ये पत्रकारांशी बोलत होत्या.

Ministry of Electronics & Information Technology has taken cognizance of Congress leader Priyanka Gandhi Vadra's allegations of phone tapping, probe likely to begin soon: Sources

Yesterday, she had alleged that the government is hacking Instagram accounts of her children.

— ANI (@ANI) December 22, 2021

उत्तर प्रदेशात अखिलेश यादव यांच्या नातेवाईकांवर ईडी आणि आयटीचे छापे पडत आहेत. याबाबत प्रश्न विचारले असता प्रियांका गांधी यांनी आपल्या मुलांची इंस्टाग्राम अकाउंटस् हॅक होत असल्याचा खळबळजनक आरोप केला आहे.

प्रियांका गांधी यांच्या याच तक्रारीची केंद्र सरकारने दखल घेतली असून इलेक्ट्रॉनिक्स आणि कम्युनिकेशन मंत्रालय यासंदर्भात योग्य अधिकाऱ्यांमार्फत चौकशी करेल आणि त्यातली सत्यता तपासून योग्य ती कायदेशीर कारवाई करेल, असे सरकारी सूत्रांनी स्पष्ट केले आहे