Prime Minister Modi : पंतप्रधान मोदी रविवारी बागेश्वर धामला भेट देणार

By, Pravin Wankhade - February 22, 2025 07:30:54

0

धीरेंद्र शास्त्री स्वतः घेत आहेत जय्यत तयारीचा आढावा

विशेष प्रतिनिधी

बुंदेलखंड : Prime Minister Modi पंतप्रधान नरेंद्र मोदी बागेश्वर धामला भेट देणार आहेत. बुंदेलखंड महोत्सवाच्या पाचव्या दिवशी म्हणजेच २३ फेब्रुवारी रविवारी, पंतप्रधान मोदी बागेश्वर धाम इन्स्टिट्यूट रिसर्च सेंटर आणि कॅन्सर हॉस्पिटलची पायाभरणी करतील. पंतप्रधान नरेंद्र मोदी यांच्या बागेश्वर धाम भेटीची तयारी अंतिम टप्प्यात आहे.Prime Minister Modi

पंतप्रधानांची सुरक्षा एसपीजी म्हणजेच स्पेशल प्रोटेक्शन ग्रुपच्या अधीन असते. पंतप्रधान मोदी जिथे जातात तिथे एसपीजी आधीच पोहोचते आणि पंतप्रधानांच्या सुरक्षेची खात्री करण्यासाठी स्थानिक प्रशासनासोबत काम करते. एसपीजी स्थानिक प्रशासनासोबत मार्गदर्शक तत्त्वे शेअर करते. मार्गदर्शक तत्त्वे गोपनीय ठेवली जातात. या मार्गदर्शक तत्वांना ब्लू बुक म्हणतात. स्थानिक प्रशासन केवळ ब्लू बुकच्या आधारे बागेश्वरधाम कार्यक्रमाची तयारी करत आहे.

महाराष्ट्राच्या राजकारणात आला पुन्हा “लकवा”; नेत्यांच्या वक्तव्यातून दिसली हतबलता!!

पंतप्रधान मोदींची सुरक्षा, आपत्कालीन परिस्थिती हाताळण्याचे मार्ग आणि देखरेख यासह सर्व काही ब्लू बुकनुसार ठरवले जात आहे. पंतप्रधान मोदींच्या भेटीदरम्यान, खजुराहो विमानतळासह संपूर्ण परिसर नो-फ्लाइंग झोन असेल. घटनास्थळी २५०० पोलिस उपस्थित असतील.

बागेश्वर धामचे पीठाधीश्वर पंडित धीरेंद्र कृष्ण शास्त्री स्वतः कार्यक्रमाच्या तयारीचा आढावा घेत आहेत. बुधवारी रात्री ३:३० वाजता ते बाईकवरून पाहणी करताना दिसले. ते सुरक्षा कर्मचारी आणि शिष्यांसह तयारीचा आढावा घेत होते. विशेष म्हणजे यावेळी ते स्वतः बाईक चालवत होते. तसेच मुख्यमंत्री मोहन यादव यांनीही अलीकडेच कार्यक्रमाचा आढावा घेण्यासाठी खजुराहोला भेट दिली.