पंतप्रधान मोदींचे अबुधाबीत ‘गार्ड ऑफ ऑनर’ने भव्य स्वागत

By, Pravin Wankhade - February 13, 2024 06:00:17

0

UAE च्या राष्ट्रपतींनी घेतील गळाभेट

विशेष प्रतिनिधी

अबुधाबी : पंतप्रधान नरेंद्र मोदी अबुधाबीला पोहोचले आहेत. संयुक्त अरब अमिरातीचे (UAE) अध्यक्ष शेख मोहम्मद बिन झायेद अल नाहयान यांनी पंतप्रधान मोदींचे आलिंगन देऊन स्वागत केले. तसेच पंतप्रधान मोदींना गार्ड ऑफ ऑनर देण्यात आला.Prime Minister Modi received grand welcome in Abu Dhabi by ‘Guard of Honour’

आचार्य प्रमोद कृष्णम यांची काँग्रेसमधून हाकलपट्टी, पीएम मोदींचे कौतुक केल्याची शिक्षा, पक्षविरोधी वक्तव्यांनंतर कारवाई

ते 14 फेब्रुवारी रोजी अबुधाबीमध्ये BAPS हिंदू मंदिराचे उद्घाटन करतील, परंतु त्याआधी आज म्हणजेच 13 फेब्रुवारी रोजी ते अबुधाबीच्या झायेद स्पोर्ट्स सिटी स्टेडियममध्ये भारतीय नागिरकांना संबोधित करणार आहेत. त्यांच्या कार्यक्रमाला अहलान मोदी (हॅलो मोदी) असे नाव देण्यात आले आहे. 2015 पासून पीएम मोदींचा यूएईचा हा सातवा दौरा आहे. गेल्या आठ महिन्यांतील त्यांचा हा तिसरा यूएई दौरा असेल.

आज अबुधाबीमध्ये प्रवासी हिंदूंना संबोधित करण्यापूर्वी मोदींनी सोशल मीडिया प्लॅटफॉर्म X वर एक पोस्ट शेअर केली. ते म्हणाले, ‘आमच्या परदेशी भारतीयांचा आणि जगाशी भारताचे संबंध अधिक दृढ करण्याच्या त्यांच्या प्रयत्नांचा आम्हाला अभिमान आहे. आज संध्याकाळी, मी अहलान मोदी कार्यक्रमात UAE मधील भारतीय नागरिकांना भेटण्यास उत्सुक आहे. या अविस्मरणीय क्षणात नक्की सहभागी व्हा. तसेच, 14 फेब्रुवारी रोजी उद्घाटनापूर्वी सोशल मीडियावर BAPS हिंदू मंदिराची एक झलक दाखवण्यात आली आहे.