पंतप्रधान मोदी अमेरिकेला रवाना, अनेक महत्त्वाच्या मुद्द्यांवर होणार चर्चा, द्विपक्षीय संरक्षण सहकार्य महत्त्वाचा अजेंडा

By, Pravin Wankhade - June 20, 2023 08:45:08

0

वृत्तसंस्था

नवी दिल्ली : पंतप्रधान नरेंद्र मोदी मंगळवारी अमेरिकेच्या पहिल्या अधिकृत राजकीय दौऱ्यासाठी दिल्लीहून रवाना झाले. ते न्यूयॉर्कमधील संयुक्त राष्ट्रांच्या मुख्यालयात योग दिनाच्या सोहळ्यात सहभागी होतील आणि अमेरिकेचे अध्यक्ष जो बायडेन यांच्याशी चर्चा करतील. तसेच वॉशिंग्टन डीसी येथे अमेरिकन काँग्रेसच्या संयुक्त अधिवेशनाला संबोधित करतील. पीएम मोदी बिझनेस लीडर्सनाही भेटतील, भारतीय समुदायाशी संवाद साधतील.Prime Minister Modi leaves for America, many important issues will be discussed, bilateral defense cooperation is an important agenda

द्विपक्षीय संरक्षण सहकार्य हा अमेरिका दौऱ्यातील महत्त्वाचा अजेंडा असेल. याशिवाय दोन्ही देशांमधील मजबूत व्यापार आणि गुंतवणूक भागीदारी आणि तंत्रज्ञान, दूरसंचार, अवकाश, उत्पादन आणि गुंतवणूक अशा अनेक महत्त्वाच्या मुद्द्यांवर चर्चा होणार आहे. परराष्ट्र मंत्रालयाने पंतप्रधानांचा हा दौरा दोन्ही देशांमधील संबंधांसाठी मैलाचा दगड असल्याचे म्हटले आहे. यासोबतच हा अत्यंत महत्त्वाचा दौरा असल्याचे वर्णन करण्यात आले आहे.

PM मोदींची अमेरिकेतील भारतीय समुदायाशी होणार भेट, अवॉर्ड विनिंग सिंगर करणार परफॉर्म, जाणून घ्या, कार्यक्रमाबद्दल सर्वकाही

#WATCH | Prime Minister Narendra Modi leaves from Delhi for his first official State visit to the United States.

He will attend Yoga Day celebrations at the UN HQ in New York and hold talks with US President Joe Biden & address to the Joint Session of the US Congress in… pic.twitter.com/y6avSoPpkd

— ANI (@ANI) June 20, 2023

पंतप्रधानांच्या अमेरिका-इजिप्त दौऱ्याबाबत माहिती देताना परराष्ट्र सचिव विनय मोहन क्वात्रा यांनी सांगितले की, पंतप्रधान मोदी 21 ते 23 जूनदरम्यान अमेरिका दौऱ्यावर असतील. पंतप्रधानांच्या अधिकृत दौऱ्याची सुरुवात 21 जून रोजी सकाळी न्यूयॉर्कमधील संयुक्त राष्ट्रांच्या मुख्यालयात योग दिनाच्या सोहळ्याने होईल. अनेक बड्या नेत्यांचीही ते भेट घेणार आहेत.

यानंतर पंतप्रधान वॉशिंग्टन डीसीमध्ये ‘स्केलिंग फॉर फ्युचर’वर आधारित कार्यक्रमाला उपस्थित राहतील. 21 जून रोजीच अमेरिकेचे राष्ट्राध्यक्ष जो बायडेन आणि पंतप्रधान मोदी यांच्यात खासगी भेट होऊ शकते. दुसऱ्या दिवशी 22 जून रोजी व्हाईट हाऊसमध्ये पंतप्रधानांचे स्वागत केल्यानंतर द्विपक्षीय बैठका घेणार आहेत. अमेरिकन संसदेच्या संयुक्त अधिवेशनालाही ते संबोधित करणार आहेत.

पंतप्रधानांनी केले ट्विट

दौऱ्यापूर्वी पंतप्रधान मोदींनी ट्विट केले की, यूएसमध्ये मला बिझनेस लीडर्सना भेटण्याची, भारतीय समुदायाशी संवाद साधण्याची आणि जीवनाच्या विविध क्षेत्रातील विचारवंतांना भेटण्याची संधी मिळेल. व्यापार, वाणिज्य, नावीन्य, तंत्रज्ञान आणि इतर अशा महत्त्वाच्या क्षेत्रात भारत-अमेरिका संबंध अधिक दृढ करण्यासाठी आम्ही उत्सुक आहोत.

संरक्षण औद्योगिक सहकार्य रोडमॅपवर चर्चा

क्वात्रा म्हणाले की, पंतप्रधान मोदींच्या अमेरिका दौऱ्यातील महत्त्वाचा पैलू म्हणजे दोन्ही देशांमधील मजबूत तंत्रज्ञान युती, संरक्षण औद्योगिक सहकार्य रोडमॅप आणि आर्थिक संबंध सुधारणे. बायडेन यांच्यासोबत संरक्षण सह-उत्पादन आणि सह-विकासाशी संबंधित सर्व मुद्द्यांवर चर्चा करण्याबरोबरच ते सेमीकंडक्टर्स, एअरोस्पेसमधील सहकार्यावरही चर्चा करतील.

या घोषणांची अपेक्षा

3 अब्ज डॉलर किमतीचे 31 सशस्त्र MQ-9B SeaGuardian drones खरेदी करण्याची घोषणा, जनरल इलेक्ट्रिकला देशांतर्गत बनवलेल्या लढाऊ विमानांसाठी भारतात इंजिन तयार करण्यासाठी अमेरिकेची मान्यता.

2026 पर्यंत तंत्रज्ञानाचे उद्दिष्ट : आयटी मंत्री

भारताचे आयटी मंत्री राजीव चंद्रशेखर म्हणाले की, आम्ही 2025-26 पर्यंत देशाच्या जीडीपीच्या 20-25 टक्के तंत्रज्ञान करण्याचे लक्ष्य ठेवले आहे. या पार्श्वभूमीवर पंतप्रधानांचा दौरा महत्त्वाचा आहे.

अमेरिकेत प्रचंड उत्साह

पंतप्रधान मोदींच्या अमेरिका दौऱ्यापूर्वी भारतीय-अमेरिकन लोकांमध्ये आनंदाचे आणि उत्साहाचे वातावरण आहे. देशातील प्रमुख ठिकाणी जमलेल्या शेकडो भारतीयांनी मोदींच्या समर्थनार्थ घोषणाबाजी केली. राष्ट्रीय स्मारकाजवळ शेकडो भारतीय-अमेरिकन जमले आणि त्यांनी वॉशिंग्टन डीसी आणि आसपासच्या भागात एकतेचा संदेश देण्यासाठी मिरवणूक काढली.