प्रशांत किशोर म्हणाले- निवडणुकीतील कामगिरी खराब राहिल्यास राहुल यांनी ब्रेक घ्यावा; 10 वर्षे अपयशानंतरही त्यांनी पद सोडले नाही|Prashant Kishor said- Rahul should take a break if his performance in the election is poor; Even after 10 years of failure, he did not quit

प्रशांत किशोर म्हणाले- निवडणुकीतील कामगिरी खराब राहिल्यास राहुल यांनी ब्रेक घ्यावा; 10 वर्षे अपयशानंतरही त्यांनी पद सोडले नाही

वृत्तसंस्था

नवी दिल्ली : 2024च्या लोकसभा निवडणुकीत काँग्रेसला अपेक्षेप्रमाणे निकाल न मिळाल्यास राहुल गांधींनी राजकारणातून ब्रेक घेण्याचा विचार करावा. राजकीय रणनीतीकार प्रशांत किशोर यांनी पीटीआय या वृत्तसंस्थेला दिलेल्या मुलाखतीत ही माहिती दिली.Prashant Kishor said- Rahul should take a break if his performance in the election is poor; Even after 10 years of failure, he did not quit

प्रशांत म्हणाले- राहुल गांधी गेल्या 10 वर्षांपासून काँग्रेसला जिंकण्यासाठी अयशस्वी प्रयत्न करत आहेत. असे असतानाही त्यांनी स्वत: ना राजकारणातूल बाजूला झाले, ना इतर कुणाला पक्षाचा चेहरा बनू दिले. माझ्या मते, ही लोकशाही नाही.

बिहारचे मुस्लिम फक्त ‘आरजेडी’लाच का मतदान करतात? प्रशांत किशोर यांनी सांगितले कारण, म्हणाले….

प्रशांत म्हणाले- जेव्हा तुम्ही (राहुल गांधी) गेल्या 10 वर्षांपासून तेच काम करत आहात आणि त्यात यश मिळत नाही, तेव्हा ब्रेक घेण्यात काही गैर नाही. तुम्ही दुसऱ्याला पाच वर्षे करू द्या. तुमच्या आईनेही तेच केले.

प्रशांत म्हणाले- माजी पंतप्रधान दिवंगत राजीव गांधी यांच्या हत्येनंतर सोनिया गांधींनी काय केले? 1991 मध्ये त्या राजकारणापासून दुरावल्या. काँग्रेसची कमान पीव्ही नरसिंह राव यांच्याकडे देण्यात आली होती. त्याचा परिणाम तुम्हा सर्वांना माहीत आहे.

राहुल यांच्याबाबत प्रशांत म्हणाले की, काँग्रेसची लढत उत्तर प्रदेश, बिहार आणि मध्य प्रदेशात आहे, मात्र त्यांचे नेते मणिपूर आणि मेघालयला भेट देतात. यूपी, बिहार आणि मध्य प्रदेशात जिंकले नाही तर वायनाडमधून जिंकून फायदा नाही. केवळ केरळ जिंकून तुम्ही देश जिंकू शकत नाही. अमेठी सोडल्याने चुकीचा संदेश जाईल.

पंतप्रधान मोदींचे उदाहरण देताना प्रशांत म्हणाले- नरेंद्र मोदी यांनी 2014 मध्ये त्यांचे गृहराज्य गुजरातसह उत्तर प्रदेशमधून निवडणूक लढवण्याचा निर्णय घेतला होता. कारण, जोपर्यंत तुम्ही हिंदी पट्टा जिंकत नाही किंवा हिंदी पट्ट्यात आपले अस्तित्व प्रस्थापित करत नाही तोपर्यंत तुम्ही भारत जिंकू शकत नाही.

प्रशांत किशोर म्हणाले- जगभरात चांगल्या आणि महान नेत्यांची खासियत आहे. त्यांच्यात काय कमतरता आहे हे त्यांना माहीत आहे. ते नेहमी त्यांच्या उणिवा आणि अपूर्णता सुधारण्याचा प्रयत्न करत असतात, पण राहुल यांना वाटते की त्यांना सर्व काही माहिती आहे.

ते म्हणाले- जर तुम्ही मदतीची गरज ओळखत नसाल तर तुम्हाला कोणीही मदत करू शकत नाही. मला विश्वास आहे की राहुल गांधींना असे वाटते की त्यांना योग्य वाटेल ते करू शकतात. हे शक्य नाही.

प्रशांत किशोर म्हणाले- 2019 च्या निवडणुकीत पक्षाच्या पराभवानंतर राहुल यांनी काँग्रेस अध्यक्षपदाचा राजीनामा देण्याचा निर्णय घेतला होता. तेव्हा त्यांनी माघार घेऊन पक्षाची जबाबदारी दुसऱ्या कोणाकडे तरी सोपवणार असल्याचे लिहिले होते, मात्र त्यांनी जे लिहिले आहे, त्याच्या उलट काम करत आहे. काँग्रेस आणि त्यांचे समर्थक कोणत्याही व्यक्तीपेक्षा मोठे आहेत. वारंवार अपयश येऊनही आपण पक्षाचे नेतृत्व करणार असा आग्रह राहुल यांनी धरू नये.

प्रशांत यांनी राहुल यांच्या दाव्यांवर प्रश्नचिन्ह उपस्थित केले ज्यात त्यांनी निवडणुकीतील पराभवासाठी निवडणूक आयोग, न्यायव्यवस्था आणि मीडियाला जबाबदार धरले. ते म्हणाले की हे अंशतः खरे असू शकते, परंतु संपूर्ण सत्य नाही. ते म्हणाले की, 2014 च्या निवडणुकीत काँग्रेस सत्तेत असताना 206 जागांवरून 44 जागांवर आली होती आणि भाजपचा विविध संस्थांवर फारसा प्रभाव नव्हता.