काँग्रेस खासदाराच्या घरात सापडलेल्या घबाडावरून पीएम मोदींचा काँग्रेसवर निशाणा; भारतात मनी हाईस्टची काय गरज? काँग्रेस 70 वर्षांपासून चोरी करतेय!|PM Modi targets Congress over the panic found in Congress MP's house; What is the need for money heist in India? Congress has been stealing for 70 years!

काँग्रेस खासदाराच्या घरात सापडलेल्या घबाडावरून पीएम मोदींचा काँग्रेसवर निशाणा; भारतात मनी हाईस्टची काय गरज? काँग्रेस 70 वर्षांपासून चोरी करतेय!

वृत्तसंस्था

नवी दिल्ली : ओडिशातील काँग्रेसचे राज्यसभा खासदार धीरज साहू यांच्या घरावर आयकर विभागाने छापा टाकून 354 कोटी रुपये जप्त केले. पीएम नरेंद्र मोदी यांनी ‘मनी हाईस्ट’ या वेब सीरिजचा संदर्भ देत सोशल मीडिया प्लॅटफॉर्म X वर याबद्दल पोस्ट केली आहे. पीएम मोदींनी लिहिले- भारतात ‘मनी हाईस्ट’ फिक्शन कोणाला हवे आहे? 70 वर्षांपासून सुरू असलेली काँग्रेसची चोरी मोठी ठरली असून अजूनही मोजणी सुरू आहे.PM Modi targets Congress over the panic found in Congress MP’s house; What is the need for money heist in India? Congress has been stealing for 70 years!

PM Modi : 2 कोटी महिलांना लखपती दीदी बनविण्याचा संकल्प आणि ग्रामीण भागात घरांसाठी सवलतीच्या दरात कर्ज!!

पीएम मोदींनी X वर या पोस्टसह भाजपने जारी केलेला व्हिडिओ देखील शेअर केला आहे, जो ‘मनी हाइस्ट’ वेब सीरिजमधून संपादित केला आहे. व्हिडिओमध्ये धीरज साहूंसोबत राहुल गांधी आणि काँग्रेस अध्यक्ष मल्लिकार्जुन खरगे यांची छायाचित्रे आहेत.

In India, who needs 'Money Heist' fiction, when you have the Congress Party, whose heists are legendary for 70 years and counting! https://t.co/J70MCA5lcG

— Narendra Modi (@narendramodi) December 12, 2023

पीएम मोदींनी 8 डिसेंबर रोजी धीरज साहू यांच्या घरावर छापे टाकल्याची बातमीही सोशल मीडियावर पोस्ट केली होती. मोदींनी लिहिले होते- देशवासीयांनी या नोटांच्या ढिगाऱ्याकडे बघावे आणि मग त्यांच्या नेत्यांची प्रामाणिक भाषणे ऐकावीत… जनतेकडून जे काही लुटले गेले आहे, त्याचा एक-एक पैसा परत करावा लागेल, ही मोदींची हमी आहे.

देशवासी इन नोटों के ढेर को देखें और फिर इनके नेताओं के ईमानदारी के 'भाषणों' को सुनें… 😂😂😂

जनता से जो लूटा है, उसकी पाई-पाई लौटानी पड़ेगी, यह मोदी की गारंटी है।

❌❌❌💵 💵 💵❌❌❌ pic.twitter.com/O2pEA4QTOj

— Narendra Modi (@narendramodi) December 8, 2023

ओडिशा, झारखंड आणि पश्चिम बंगालमध्ये काँग्रेस खासदार धीरज साहू यांच्या ठिकाणांवर छापा टाकण्यात आला. हे छापे 6 डिसेंबरपासून सुरू झाले. जप्त केलेल्या नोटांची संख्या इतकी जास्त होती की त्या मोजण्यासाठी मागवण्यात आलेली मशिनही बिघडली होती.

ओडिशातील बोलंगीर जिल्ह्यात बलदेव साहू आणि ग्रुप ऑफ कंपनीजच्या कार्यालयातून छापेमारी सुरू झाली. यानंतर धीरज साहू यांच्या घरावरही छापा टाकण्यात आला. साहूंची कंपनी 1994-95 पासून ओडिशात देशी मद्य निर्मिती आणि विक्रीचा व्यवसाय करत आहे.

भाजप खासदार संजय सेठ यांनी सोमवारी (11 डिसेंबर) लोकसभेत सांगितले की, धीरज साहूंकडे सापडलेले कोट्यवधींचे घबाड देशाच्या सुरक्षेसाठी धोकादायक आहेत. यानंतर लोकसभेत गदारोळ सुरू झाला. यानंतर काँग्रेस नेते राहुल गांधी आणि सोनिया गांधी यांच्याकडून या मुद्द्यावर उत्तर मागितले जाऊ लागले. संजय सेठी यांनीही झारखंडमधील ईडी अधिकाऱ्यांच्या सुरक्षेबाबत सभागृहात चिंता व्यक्त केली. खनिज खाणींसाठी ओळखल्या जाणाऱ्या झारखंडने भ्रष्टाचारामुळे झारखंड राज्याची बदनामी केली असल्याचे खासदार म्हणाले.