पीएम मोदी आज कर्नाटकात : बंगळुरू-म्हैसुरू एक्सप्रेसवेचे करणार उद्घाटन, अनेक विकास प्रकल्पांचे होणार लोकार्पण|PM Modi in Karnataka today Bangalore-Mysuru Expressway will be inaugurated, many development projects will be inaugurated

पीएम मोदी आज कर्नाटकात : बंगळुरू-म्हैसुरू एक्सप्रेसवेचे करणार उद्घाटन, अनेक विकास प्रकल्पांचे होणार लोकार्पण

वृत्तसंस्था

बंगळुरू : पंतप्रधान नरेंद्र मोदी आज कर्नाटक दौऱ्यावर आहेत. यादरम्यान, बंगळुरू-म्हैसुरू द्रुतगती मार्ग राष्ट्राला समर्पित केला जाईल. 10 लेन आणि 118 किमी लांबीचा हा एक्स्प्रेस वे सुमारे 8,480 कोटी रुपये खर्चून विकसित करण्यात आला आहे. यामुळे बंगळुरू आणि म्हैसुरूदरम्यानचा प्रवासाचा वेळ तीन तासांवरून 75 मिनिटांपर्यंत कमी होईल. यादरम्यान पंतप्रधान मोदी कर्नाटकमध्ये सुमारे 16,000 कोटी रुपयांच्या विकास प्रकल्पांचे उद्घाटन आणि पायाभरणीही करतील.PM Modi in Karnataka today Bangalore-Mysuru Expressway will be inaugurated, many development projects will be inaugurated

तत्पूर्वी, पंतप्रधान मोदी यांनी शुक्रवारी म्हटले होते की, बंगळुरू-म्हैसुरू एक्सप्रेसवे हा एक महत्त्वाचा कनेक्टिव्हिटी प्रकल्प आहे. त्यामुळे कर्नाटकच्या विकासाच्या वाटेला नवा आयाम मिळणार आहे. हे क्षेत्राच्या सामाजिक-आर्थिक विकासासाठी उत्प्रेरक म्हणून काम करेल. मोदींनी रस्ते वाहतूक आणि महामार्ग मंत्री नितीन गडकरी यांच्या ट्विटला टॅग करत म्हटले होते की, बंगळुरू-म्हैसुरू एक्सप्रेसवे हा NH-275 चा एक भाग आहे. त्याअंतर्गत चार रेल्वे ओव्हरब्रिज, नऊ मोठे आणि 40 छोटे पूल आणि 89 अंडरपास आणि ओव्हरपास बांधण्यात आले आहेत.

त्रिपुरामध्ये साहा दुसऱ्यांदा मुख्यमंत्रिपदाची शपथ घेणार : पीएम मोदी आणि अमित शहादेखील राहणार उपस्थित

श्रीरंगपट्टणा, कूर्ग, उटी आणि केरळसारख्या भागात कनेक्टिव्हिटी वाढवण्याचे उद्दिष्ट आहे, ज्यामुळे या भागांची पर्यटन क्षमता वाढेल. प्रवाशांना सोयीस्कर आणि आधुनिक सुविधा देण्यासाठी पंतप्रधान पुनर्विकसित हॉस्पेट जंक्शनही राष्ट्राला समर्पित करतील. हंपीच्या स्मारकांच्या धर्तीवर त्याची रचना करण्यात आली आहे.

म्हैसुरू-खुशालनगर चौपदरी महामार्गाची पायाभरणी

कर्नाटक दौऱ्यादरम्यान, PM मोदी दुपारी 12 वाजता मंड्यातील प्रमुख रस्ते प्रकल्पांचे उद्घाटन आणि पायाभरणी करतील. दुपारी 3:15 वाजता हुबळी-धारवाडमधील विविध विकास योजनांचे उद्घाटन व पायाभरणी करतील. म्हैसूर-खुशालनगर चौपदरी महामार्गाची पायाभरणीही मोदी करणार आहेत. 92 किमी लांबीचा हा प्रकल्प सुमारे 4,130 कोटी रुपये खर्चून विकसित केला जाणार आहे. या प्रकल्पामुळे कुशलनगरचा बंगळुरूशी संपर्क वाढेल आणि प्रवासाचा वेळ 5 तासांवरून केवळ 2.5 तासांवर येईल. पंतप्रधान IIT धारवाड राष्ट्राला समर्पित करणार आहेत. 850 कोटी खर्चाच्या या संस्थेची पायाभरणी पंतप्रधानांच्या हस्ते फेब्रुवारी 2019 मध्ये करण्यात आली होती.