यूपीआयच्या दशकपूर्तीनिमित्त पंतप्रधान मोदींचे नागरिकांना आवाहन; ‘तुमचा अनुभव मला सांगा’

By, wankhadepravin - August 25, 2026 07:00:40

0

विशेष प्रतिनिधी

नवी दिल्ली : देशाच्या डिजिटल पेमेंट्स क्षेत्रात ऐतिहासिक बदल घडवून आणणाऱ्या यूनिफाईड पेमेंट्स इंटरफेस (UPI) च्या दशकभराच्या प्रवासाचे पंतप्रधान नरेंद्र मोदी यांनी स्मरण केले आहे. गेल्या दहा वर्षांत यूपीआयने देशाच्या डिजिटल व्यवहारांना नवी दिशा दिल्याचे त्यांनी नमूद केले.

यूपीआयने अल्पावधीत देशभरात मिळवलेली व्यापकता आणि लोकप्रियता ही प्रत्येक भारतीयासाठी अभिमानाची बाब असल्याचे पंतप्रधानांनी म्हटले आहे. यूपीआयमुळे डिजिटल पेमेंट्स अधिक सुलभ, वेगवान आणि सर्वसामान्यांच्या दैनंदिन जीवनाचा भाग बनले आहेत.

A decade ago, UPI was rolled out, marking a major turning point in India’s digital payments journey.

The sheer scale and reach of UPI are something every Indian must be proud of.

Tell me about your UPI experience and how it impacted your life… #10YearsOfUPI pic.twitter.com/Xtto6V6gpU

— Narendra Modi (@narendramodi) August 25, 2026

नागरिकांना अनुभव शेअर करण्याचे आवाहन

यूपीआयच्या दशकपूर्तीनिमित्त पंतप्रधान नरेंद्र मोदी यांनी नागरिकांना आपल्या अनुभवांबद्दल सांगण्याचे आवाहन केले आहे. यूपीआयचा वापर सुरू केल्यानंतर त्यांच्या दैनंदिन जीवनात कोणते बदल झाले आणि या डिजिटल पेमेंट प्रणालीचा त्यांना कसा फायदा झाला, हे अनुभव सामायिक करण्याचे आवाहन त्यांनी केले.

पंतप्रधानांनी ‘एक्स’वरील पोस्टमध्ये म्हटले आहे की, दशकभरापूर्वी यूपीआयची सुरुवात हा भारताच्या डिजिटल पेमेंट्स प्रवासातील ऐतिहासिक टप्पा ठरला. यूपीआयने गाठलेली प्रचंड व्याप्ती आणि विस्तार प्रत्येक भारतीयासाठी अभिमानास्पद असल्याचेही त्यांनी नमूद केले.

“यूपीआयबाबत तुमचा अनुभव आणि याचा तुमच्या जीवनावर कसा परिणाम झाला आहे, ते मला सांगा,” असे आवाहन पंतप्रधान मोदी यांनी नागरिकांना केले आहे.