दोहा व कतारमधून ५४ टन द्रवरूप ऑक्सिजन घेऊन भारतीय युद्धनौका निघाल्या, कोरोनाच्या लढ्याला मिळणार बळ Oxygen will recive from doha and qatar

दोहा व कतारमधून ५४ टन द्रवरूप ऑक्सिजन घेऊन भारतीय युद्धनौका निघाल्या, कोरोनाच्या लढ्याला मिळणार बळ

विशेष प्रतिनिधी

मुंबई – आखाती देशांमधून ५४ टन द्रवरूप ऑक्सिजन घेऊन निघालेली भारतीय युद्धनौका आयएनएस त्रिखंड सोमवारी सकाळी मुंबई बंदरात दाखल होणार आहेत. त्रिखंड युद्धनौका दोहा व कतार येथून ऑक्सिजनचे कंटेनर, सिलिंडर व अन्य वैद्यकीय सामुग्री घेऊन रवाना झाली आहे. Oxygen will recive from doha and qatar

नौदल आणि हवाई दलाने आपल्या युद्धनौका व मालवाहू विमानांचा वापर कोरोनाविरुद्धच्या लढ्यासाठी सुरू केला आहे. त्रिखंड युद्धनौकेद्वारे दाखल झालेले ऑक्सिजनचे कंटेनर मुंबई बंदरात उतरवून गरज असलेल्या रुग्णालयांमध्ये पाठवले जातील.

Mission Oxygen : ऑक्सिजन पुरवणाऱ्या वाहनांना दोन महिन्यांसाठी टोल माफी, NHAIचा मोठा निर्णय

आतापर्यंत हवाई दलाच्या सी १७ प्रकारच्या मालवाहू विमानांनी देशात ४०० उड्डाणे करून गरज असलेल्या शहरांमध्ये सुमारे पाच हजार टन ऑक्सिजन (२५१ टँकर) पोहोचविला आहे. विमानांनी परदेशातही (सिंगापूर, दुबई, बँकॉक, इंग्लंड, जर्मनी, बेल्जिअम आणि ऑस्ट्रेलिया) ५९ उड्डाणे करून १,२३३ टन द्रवरूप ऑक्सिजन भारतात आणला आहे. आयएल ७६ प्रकारच्या मोठ्या मालवाहू विमानांनीही इस्राईल व सिंगापूरहून ऑक्सिजन जनरेटर व व्हेंटिलेटर आणले आहेत.

मालवाहू विमाने इंग्लंड ते जर्मनीपासून मदत घेऊन भारतात येत आहेत. युद्धनौका आखाती देशांपासून ते सिंगापूरहून ऑक्सिजनचे कंटेनर व अन्य वैद्यकीय सामुग्री भारतात आणत आहेत. त्याचा मोठा उपयोग कोरोना रुग्णांना होत आहे.