वृत्तसंस्था
जगदलपूर : Odisha Encounter छत्तीसगडचे शेजारील राज्य ओडिशाच्या कंधमालमध्ये सुरक्षा दलांनी चकमकीत 6 नक्षलवाद्यांना ठार केले आहे. यामध्ये 1 कोटींहून अधिक बक्षीस असलेला सेंट्रल कमिटी मेंबर (CCM) गणेश उईके याचाही समावेश आहे. दोन महिला नक्षलवादीही मारल्या गेल्या आहेत. ठार झालेल्या नक्षलवाद्यांचे मृतदेह आणि शस्त्रे जप्त करण्यात आली आहेत.Odisha Encounter
सुरक्षा दलांना कंधमाल जिल्ह्यातील चाकापाड परिसरात नक्षलवाद्यांच्या उपस्थितीची माहिती मिळाली होती. याच माहितीच्या आधारे 23 पथकांना कारवाईसाठी पाठवण्यात आले होते. यामध्ये 20 स्पेशल ऑपरेशन्स ग्रुप (SOG), दोन सीआरपीएफ आणि एक बीएसएफ पथके समाविष्ट होती. ही कारवाई कंधमाल जिल्ह्यातील चाकापाड पोलिस स्टेशन क्षेत्र आणि गंजाम जिल्ह्यातील राम्भा वन क्षेत्रात राबवण्यात आली.Odisha Encounter
आज म्हणजेच २५ डिसेंबर रोजी मोहिमेदरम्यान वेगवेगळ्या ठिकाणी माओवादी आणि SOG जवानांमध्ये अनेकदा गोळीबार झाला. चकमकीनंतर परिसरात शोधमोहीम राबवण्यात आली, ज्यात ५ नक्षलवाद्यांचे मृतदेह आढळले. यामध्ये ३ पुरुष आणि २ महिला आहेत. सर्व माओवादी गणवेशात होते. घटनास्थळावरून २ इन्सास रायफल आणि एक ३०३ रायफल जप्त करण्यात आली आहे.
छत्तीसगडमध्ये मागील 2 मोठे नक्षलवादी एन्काउंटर
3, 4 डिसेंबर, 18 नक्षलवादी ठार
4 डिसेंबर रोजी दंतेवाडा-बीजापूर सीमेवर सुरक्षा दलांनी आणखी 6 नक्षलवाद्यांना ठार केले होते. 3 डिसेंबर रोजी येथेच 12 नक्षलवाद्यांचा एन्काउंटर झाला होता. सर्व 18 नक्षलवाद्यांचे मृतदेह जिल्हा मुख्यालय बीजापूर येथे आणण्यात आले. यामध्ये डिव्हिजनल कमिटी मेंबर (DVCM) वेल्ला मोडियमचाही समावेश आहे. ठार झालेल्या नक्षलवाद्यांकडून LMG, इन्सास आणि SLR सारखी आधुनिक शस्त्रे जप्त करण्यात आली.
एन्काउंटरमध्ये DRG चे 3 जवान शहीद झाले आणि 2 जवान जखमी झाले. बस्तर रेंजचे आयजी सुंदरराज पी. यांनी सांगितले की, शहीद जवानांमध्ये हेड कॉन्स्टेबल मोनू वडारी, हेड कॉन्स्टेबल रमेश सोडी आणि कॉन्स्टेबल दुकारू गोंडे यांचा समावेश आहे. बीजापूर पोलिस लाईनमध्ये तिन्ही शहीद जवानांना श्रद्धांजली वाहण्यात आली.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App