गोरखपूरमध्ये कोरोनाग्रस्तांची संख्या शून्यावर; स्वतः योगींनी ट्विट करून दिली माहिती

By, Vishal Joshi - November 6, 2021 11:06:11

0

विशेष प्रतिनिधी

लखनऊ : उत्तर प्रदेश मधल्या गोरखपूर मध्ये आज कोरोनाग्रस्तांची संख्या शून्यावर पोहोचली आहे. मुख्यमंत्री योगी आदित्यनाथ यांनी स्वतःच्या ट्विटर हँडलवरून ट्विट करून ही माहिती दिली आहे. गोरखपूर जिल्हा प्रशासनाने आणि आरोग्य मंत्रालयाने समन्वयाने ही कामगिरी साध्य केल्याचे योगी यांनी स्पष्ट केले आहे. Number of corona victims in Gorakhpur is zero; Yogi himself tweeted the information

महान गुरु गोरक्षनाथ यांची पावनभूमी गोरखपूर आज कोरोना ग्रस्तांच्याची संख्येत शून्यावर पोहोचले आहे. जिल्हा प्रशासन आणि आरोग्य प्रशासनाचे हे महत्त्वाचे यश आहे. याबद्दल त्यांचे विशेष अभिनंदन, अशा शब्दात योगी आदित्यनाथ यांनी प्रशासनाचे कौतुक केले आहे.

प्रियांकांची रॅली

गोरखपुर गेल्या आठवड्यामध्ये विशेष चर्चेमध्ये होते. कारण काँग्रेसच्या सरचिटणीस प्रियांका गांधी यांनी मुख्यमंत्री योगी आदित्यनाथ यांच्या सरकारवर हल्लाबोल करण्यासाठी गोरखपूरची भूमी निवडली होती. तेथे प्रियांका गांधी यांनी मोठ्या रॅलीला संबोधित केले होते. 31 ऑक्टोबर रोजी झालेल्या या रॅलीत सरदार वल्लभभाई पटेल आणि दिवंगत माजी पंतप्रधान इंदिरा गांधी यांच्या बरोबरच्या उंचीची भलीमोठी पोर्ट्रेट्स प्रियांका गांधी यांचीही लावण्यात आली होती. “मै भी प्रियांका” असे फलक घेतलेल्या अनेक युवती प्रियांका गांधींच्या रॅलीत उपस्थित होत्या.

महायोगी गुरु गोरखनाथ जी की पावन धरा जनपद गोरखपुर में आज कोरोना संक्रमितों की संख्या शून्य हो गई है।

यह उपलब्धि जिला प्रशासन की सक्रियता, प्रतिबद्ध स्वास्थ्य कर्मियों के अथक परिश्रम एवं मा. जनप्रतिनिधियों व गोरखपुर वासियों के अनुशासित सहयोग को समर्पित है।

सभी को बधाई!

— Yogi Adityanath (मोदी का परिवार) (@myogiadityanath) November 6, 2021

योगी आदित्यनाथ हिंदी गोरखपूर मधून पाच वेळा लोकसभेत प्रतिनिधित्व केले आहे. आणि आता ते मुख्यमंत्री आहेत. त्यामुळे गोरखपूरच्या भूमीतूनच योगी आदित्यनाथ यांना आव्हान देण्याचे “राजकीय चातुर्य” प्रियांका गांधी यांनी दाखविले होते. आज तेच गोरखपूर जिल्हा प्रशासन आणि आरोग्य प्रशासनाच्या मेहनतीमुळे कोरोनाग्रस्तांच्या संख्येत शून्यावर येऊन पोहोचले आहे.