मोठी बातमी! CAA बाबत केंद्र सरकारने जारी केली अधिसूचना

By, Pravin Wankhade - March 11, 2024 07:46:44

0

बिगर मुस्लिम निर्वासितांना मिळणार नागरिकत्व

विशेष प्रतिनिधी

नवी दिल्ली: केंद्रातील मोदी सरकारने नागरिकत्व दुरुस्ती कायदा (CAA) संदर्भात अधिसूचना जारी केली आहे. या कायद्यानुसार तीन शेजारी देशांतील (पाकिस्तान, अफगाणिस्तान आणि बांगलादेश) अल्पसंख्याकांना आता भारतीय नागरिकत्व मिळू शकणार आहे.Notification issued by central government regarding CAA

लोकसभा निवडणुकीपूर्वी मोदींची गॅरंटी पूर्ण; संपूर्ण देशात CAA लागू!!; विरोधकांचा तिळपापड!!

सार्वत्रिक निवडणुकीपूर्वी केंद्र सरकारचे हे मोठे पाऊल मानले जात आहे. आता तिन्ही देशांतील गैर-मुस्लिम निर्वासित भारतात नागरिकत्वासाठी अर्ज करू शकतील. यासाठी केंद्र सरकारने तयार केलेल्या ऑनलाइन पोर्टलवर अर्ज करावा लागेल.

खरे तर, भारतीय जनता पक्षाने २०१९च्या लोकसभा निवडणुकीपूर्वी नागरिकत्व सुधारणा कायदा म्हणजेच CAA आणण्याचे आश्वासन दिले होते. केंद्रात भाजपचे सरकार आल्यानंतर संसदेच्या दोन्ही सभागृहांची मंजुरी आणि राष्ट्रपतींच्या स्वाक्षरीनंतर CAA बाबत कायदा करण्यात आला होता, मात्र त्यावेळी दिल्लीत अनेक ठिकाणी CAA विरोधी निदर्शने झाल्यामुळे शाहीनबाग आणि नंतर कोरोनाच्या काळात हा कायदा देशात लागू झाला नाही. अंमलबजावणी होऊ शकली नाही.

परंतु नुकतेच केंद्रीय गृहमंत्री अमित शहा यांनी 2024 च्या लोकसभा निवडणुकीपूर्वी देशात CAA लागू केले जाईल, असे स्पष्ट केले होते. आता केंद्र सरकारने CAA संदर्भात अधिसूचना जारी करून कायदा देशभर लागू केला आहे.