भाजप नेते रतन दुबे यांच्या हत्येप्रकरणी NIAचे छत्तीसगडमध्ये अनेक ठिकाणी छापे|NIA raids several locations in Chhattisgarh in connection with BJP leader Ratan Dubeys murder case

भाजप नेते रतन दुबे यांच्या हत्येप्रकरणी NIAचे छत्तीसगडमध्ये अनेक ठिकाणी छापे

अनेक मोबाईल फोन, एक टॅबलेट आणि जवळपास दहा रुपये किमतीची रोकड जप्त केली.

विशेष प्रतिनिधी

नवी दिल्ली : भारतीय जनता पक्षाचे नेते रतन दुबे यांच्या जघन्य हत्येचा तपासाच्या पार्श्वभूमीवर राष्ट्रीय तपास यंत्रणेने (एनआयए) बुधवारी छत्तीसगडमधील नक्षलग्रस्त भागात अनेक ठिकाणी शोधमोहीम राबवली. यादरम्यान NIA ने नक्षलवाद्यांच्या पूर्व बस्तर विभागाअंतर्गत विविध संशयितांवर आणि ओव्हर ग्राउंड वर्कर्स (OWG) आणि बायनार क्षेत्र समितीच्या समर्थकांवर कारवाई केली.NIA raids several locations in Chhattisgarh in connection with BJP leader Ratan Dubeys murder case

छत्तीसगडमधील नक्षलग्रस्त नारायणपूर जिल्ह्यात नक्षलवाद्यांकडून भाजपा नेत्याची हत्या!

केंद्रीय एजन्सीने टोयनार, कौशलनार, बदेनहोड, धौदई आणि कोंगेरा गावातील ठिकाणी व्यापक शोध मोहीम राबवली. यादरम्यान एनआयएने सांगितले की भाजप नेते दुबे यांच्या हत्येशी संबंधित खटल्याच्या शोधादरम्यान त्यांनी अनेक मोबाईल फोन, एक टॅबलेट आणि 9,90,050 रुपये किमतीची रोकड तसेच नक्षलवादी पत्रिका आणि साहित्य जप्त केले आहे.

भाजप नेते रतन दुबे यांची गेल्या वर्षी हत्या झाली होती. 2023 च्या विधानसभा निवडणुकीच्या प्रचारादरम्यान छत्तीसगडमधील नारायणपूर जिल्ह्यातील कौशलनार आठवडी बाजारात त्याच्यावर क्रूर हल्ला झाला होता. नराधमांनी त्यांच्यावर कुऱ्हाडीने वार करून त्यांची हत्या केली होती.

एनआयएच्या तपासानुसार बंदी घातलेल्या नक्षलवादी संघटनेशी संबंधित सशस्त्र हल्लेखोरांनी त्यांची हत्या केली होती. NIA या प्रकरणाचा तपास सुरू ठेवत आहे, ज्याचा त्याने फेब्रुवारी 2024 मध्ये स्थानिक पोलिसांकडून ताबा घेतला होता. या प्रकरणातील एका आरोपीविरुद्ध एजन्सीने यापूर्वीच आरोपपत्र दाखल केले आहे.