संसदेचे पावसाळी अधिवेशन सोमवारपासून सुरू, एकूण 19 बैठका होणार

By, Pravin Wankhade - July 20, 2024 07:59:24

0

सरकार आणणार सहा नवीन विधेयके

विशेष प्रतिनिधी

नवी दिल्ली : सोमवारपासून संसदेचे पावसाळी अधिवेशन सुरू होणार आहे. त्यादृष्टीने सरकारने तयारी केली आहे. या पावसाळी अधिवेशनात सरकार जुन्या विमान कायद्यात बदल करण्यासह सहा नवीन विधेयके आणणार आहे. तर विरोधकांनी NEET पेपर लीक आणि रेल्वे सुरक्षेच्या मुद्द्यावरून सरकारला कोंडीत पकडण्याची तयारी केली आहे. 12 ऑगस्टपर्यंत चालणाऱ्या या पावसाळी अधिवेशनात 19 बैठका होणार आहेत.Monsoon Session of Parliament will start from Monday total 19 sittings will be held

संसदीय कामकाज मंत्री किरेन रिजिजू यांनी पावसाळी अधिवेशनासंदर्भात संसदेच्या अधिवेशनादरम्यान उपस्थित करण्यात येणारे मुद्दे समजून घेण्यासाठी राजकीय पक्षांच्या नेत्यांची बैठक बोलावली आहे. तर ओडिशाचे माजी मुख्यमंत्री नवीन पटनायक आणि बीजेडी यांनी संसदेत मजबूत विरोधी पक्षाची भूमिका बजावणार असल्याची घोषणा केली आहे.

आजपासून संसदेच्या पावसाळी अधिवेशनाच्या शेवटच्या आठवड्यास सुरुवात, दोन्ही सभागृहांत गदारोळाची दाट शक्यता

ते राज्याचे प्रश्नही मांडतील. त्यांनी आपल्या खासदारांना ओडिशाला विशेष दर्जा देण्याची मागणी मांडण्यास सांगितले आहे. त्याचबरोबर सार्वजनिक क्षेत्रातील बँकांची हिस्सेदारी ५१ टक्क्यांनी कमी करण्याच्या विधेयकावर आणि NEET पेपर लीकच्या मुद्द्यावरून सरकारला कोंडीत पकडण्याची रणनीती काँग्रेसने आखली आहे.

पावसाळी अधिवेशनात केंद्रीय अर्थमंत्री निर्मला सीतारामन सोमवारी आर्थिक सर्वेक्षण आणि मंगळवारी केंद्रीय अर्थसंकल्प सादर करणार आहेत. याशिवाय केंद्राच्या अखत्यारीतील जम्मू-काश्मीरच्या अर्थसंकल्पालाही या अधिवेशनात मंजुरी दिली जाणार आहे. या अधिवेशनात सरकार वित्त विधेयक, आपत्ती व्यवस्थापन (सुधारणा) विधेयक, बॉयलर विधेयक, कॉफी (प्रोत्साहन आणि विकास) विधेयक, रबर (प्रमोशन आणि विकास) विधेयक, भारतीय विमान विधेयक आणणार आहे.

याशिवाय, सरकार बँकिंग रेग्युलेशन कायदा, 1949 आणि बँकिंग कंपनी (अक्विझिशन आणि ट्रान्सफर ऑफ अंडरटेकिंग्ज) कायदा, 1970 आणि बँकिंग कंपनीज (ॲक्विझिशन आणि ट्रान्सफर ऑफ अंडरटेकिंग्ज) कायदा, 1980 यांसारख्या इतर कायद्यांमध्ये सुधारणा करण्यासाठी प्रस्ताव आणणार आहे.