Narendra Modi : मोदी सायप्रस दौऱ्यावर; राष्ट्रपती निकोस यांनी विमानतळावर त्यांचे केले स्वागत

By, Pravin Wankhade - June 16, 2025 11:30:29

0

वृत्तसंस्था

नवी दिल्ली : Narendra Modi पंतप्रधान नरेंद्र मोदी सायप्रसला पोहोचले आहेत. सायप्रसचे अध्यक्ष निकोस क्रिस्टोडौलिड्स यांनी रविवारी विमानतळावर लाल गालिचा अंथरूण त्यांचे स्वागत केले. अध्यक्ष निकोस पंतप्रधान मोदींचा हात धरून चालत गेले.Narendra Modi

यानंतर मोदी सायप्रसमधील लिमासोलला गेले. हॉटेलबाहेर भारतीय समुदायाला भेटले. मुलांना प्रेम दिले. तसेच भारत माता की जयच्या घोषणा दिल्या.

दोन्ही देशांमधील व्यापाराला चालना देण्यासाठी मोदी आणि सायप्रसच्या अध्यक्षांमध्ये बैठक झाली. त्यात व्यावसायिकांनीही सहभाग घेतला.

Devendra Fadnavis : पैसा नाही तर माणूस हेच आज खरे भांडवल, मुख्यमंत्री देवेंद्र फडणवीस यांचे प्रतिपादन

मोदी रविवारी ३ देशांच्या ४ दिवसांच्या दौऱ्यावर रवाना झाले. ते १५-१६ जून रोजी सायप्रसमध्ये असतील. १६ आणि १७ जून रोजी कॅनडामध्ये होणाऱ्या G7 शिखर परिषदेत सहभागी होतील. यानंतर मोदी १८ जून रोजी क्रोएशियाला जातील. १९ जून रोजी भारतात परततील. या काळात ते २७ हजार ७४५ किमी प्रवास करतील.

पंतप्रधान नरेंद्र मोदी यांनी X वर पोस्ट केले, “मी भारतीय समुदायाचे त्यांच्या प्रेमाबद्दल आभार मानतो. येणाऱ्या काळात भारत सायप्रसशी संबंध अधिक मजबूत करण्यासाठी काम करत राहील.”

लिमासोल येथील हॉटेलबाहेर पंतप्रधान मोदींना भेटल्यानंतर, भारतीय समुदायातील एका महिलेने सांगितले की, पंतप्रधान मोदी येथे आल्याने आम्ही सर्वजण उत्साहित आहोत. ही आमच्यासाठी अभिमानाची गोष्ट आहे. आम्हाला आनंद आहे.

सायप्रसला भेट देणारे मोदी हे तिसरे भारतीय पंतप्रधान आहेत

यापूर्वी १९८३ मध्ये इंदिरा गांधी आणि २००२ मध्ये अटलबिहारी वाजपेयी यांनी या देशाला भेट दिली होती. भारत आणि सायप्रसमध्ये नेहमीच मजबूत राजनैतिक संबंध राहिले आहेत, परंतु अशा उच्चस्तरीय भेटी फारच दुर्मिळ आहेत. २०१८ मध्ये राष्ट्रपती रामनाथ कोविंद आणि २०२२ मध्ये परराष्ट्र मंत्री एस जयशंकर यांनी सायप्रसला भेट दिली.