Wrestler Protest Row : ‘’ब्रिजभूषण सिंह विरोधात खोटी तक्रार दाखल’’ अल्पवयीन कुस्तीपटूच्या वडिलांचा मोठा दावा! Minor wrestlers father tells they deliberately filed false sexual harassment complaint against WFI Chief

Wrestler Protest Row : ‘’ब्रिजभूषण सिंह विरोधात खोटी तक्रार दाखल’’ अल्पवयीन कुस्तीपटूच्या वडिलांचा मोठा दावा!

कुस्तीपटूंशी संबंधित आंदोलनाला वेगळं वळण; सूड भावनेने गुन्हा दाखल केल्याचे म्हटले आहे.

विशेष प्रतिनिधी

नवी दिल्ली : कुस्तीपटूंशी संबंधित आंदोलनात मोठा ट्विस्ट समोर आला आहे. अल्पवयीन कुस्तीपटूच्या वडिलांनी खळबळजनक दावा केला आहे. ते म्हणाले- “बृजभूषण सिंह यांच्यावर सूडाच्या भावनेने गुन्हा दाखल करण्यात आला होता. ब्रिजभूषण सिंह यांच्याविरोधात लैंगिक छळाची खोटी तक्रार दाखल करण्यात आली.’’ Minor wrestlers father tells they deliberately filed false sexual harassment complaint against WFI Chief Brijbhushan Sharan Singh

पीटीआय या वृत्तसंस्थेशी बोलताना अल्पवयीन कुस्तीपटूच्या वडिलांनी सांगितले की, त्यांनी रेसलिंग फेडरेशन ऑफ इंडियाचे (WFI) निवर्तमान अध्यक्ष ब्रिजभूषण शरण सिंह यांच्याविरुद्ध लैंगिक छळाची खोटी तक्रार दाखल केली आहे. सूडाच्या भावनेने त्यांनी WFI प्रमुख ब्रिजभूषण सिंह यांच्याविरोधात खोटी तक्रार दाखल केली, आता चूक सुधारायची आहे. कोर्टात नाही तर आता सत्य बाहेर यावे अशी त्यांची इच्छा आहे.

अल्पवयीन कुस्तीपटूच्या वडिलांनी पीटीआयला सांगितले की, सरकारने गेल्या वर्षी झालेल्या चाचणीत त्यांच्या मुलीच्या पराभवाची निष्पक्ष चौकशी करण्याचे आश्वासन दिले आहे, म्हणूनच त्यांनी सत्य बोलण्याचा निर्णय घेतला आहे. बुधवारीच केंद्रीय मंत्री अनुराग ठाकूर यांनी आंदोलक कुस्तीपटू साक्षी मलिक आणि बजरंग पुनिया यांच्यासोबत बैठक घेतली होती. यानंतर पैलवानांनी हे आंदोलन १५ जूनपर्यंत स्थगित केले.

Minor wrestler's father tells PTI they deliberately filed false sexual harassment complaint against WFI Chief

— Press Trust of India (@PTI_News) June 8, 2023

काय म्हणाले अल्पवयीन मुलाचे वडील? –

अल्पवयीन मुलाच्या वडिलांनीही त्यांच्या आणि त्यांच्या मुलीच्या ब्रिजभूषण सिंह यांच्या विरोधात असलेल्या कटुतेवर प्रतिक्रिया दिली. याची सुरुवात 2022 मध्ये लखनऊ येथे झालेल्या आशियाई अंडर-17 चॅम्पियनशिपच्या चाचणीने झाली, ज्यामध्ये अंतिम फेरीत पराभूत झाल्यानंतर अल्पवयीन मुलगी भारतीय संघात प्रवेश करू शकली नाही. पंचाच्या निर्णयासाठी त्यांनी ब्रिजभूषण यांना जबाबदार धरले. ते म्हणाला, “मी सूडाच्या भावनेने भरून गेलो होतो कारण माझ्या मुलीची एक वर्षाची मेहनत पंचाच्या निर्णयामुळे वाया गेली आणि मी बदला घेण्याचे ठरवले.”