मंत्री कैलाश गेहलोत ED कार्यालयात; मद्य घोटाळ्याच्या चौकशीसाठी पाठवले होते समन्स

By, Pravin Wankhade - March 31, 2024 10:30:59

0

वृत्तसंस्था

नवी दिल्ली : दिल्लीचे मुख्यमंत्री अरविंद केजरीवाल यांना मद्य धोरण प्रकरणात अटक केल्यानंतर आता ईडीने त्यांचे निकटवर्तीय मंत्री कैलाश गेहलोत यांना चौकशीसाठी बोलावले आहे. गेहलोत शनिवारी साडेअकरा वाजता ईडी कार्यालयात पोहोचले. गेहलोत हे नजफगडमधील आपचे आमदार आहेत. केजरीवाल सरकारमध्ये ते परिवहन, गृह आणि कायदा मंत्री आहेत.Minister Kailash Gehlot at ED office; The summons was sent to probe the liquor scam

राजस्थानातील 2 माजी मंत्री, आमदारांचा भाजपमध्ये प्रवेश; मुख्यमंत्र्यांनी केली गेहलोतांवर टीका

ईडीने शनिवारी सकाळीच गेहलोत यांना समन्स बजावले होते आणि तात्काळ चौकशीसाठी त्यांना कार्यालयात बोलावले होते. गेहलोत यांना प्रिव्हेन्शन ऑफ मनी लॉन्ड्रिंग ॲक्ट (PMLA) अंतर्गत त्यांचे म्हणणे नोंदवण्यास सांगितले आहे.

एजन्सीचे म्हणणे आहे की, गेहलोत 2021-22 साठी मद्य धोरण तयार करणाऱ्या मंत्र्यांच्या गटाचा भाग होते. त्यात तत्कालीन उपमुख्यमंत्री मनीष सिसोदिया आणि माजी नगरविकास मंत्री सत्येंद्र जैन यांचाही समावेश होता.

एजन्सीने आरोपपत्रात गेहलोत यांचे नाव लिहिले होते. ईडीचा आरोप आहे की, मद्य धोरण साऊथ लॉबीला लीक केले गेले होते, ज्यामध्ये तेलंगणाचे माजी मुख्यमंत्री केसीआर यांची कन्या के. कविता यांचाही समावेश होता. साउथ लॉबीवर आप आणि त्यांच्या नेत्यांना 100 कोटी रुपयांची लाच दिल्याचा आरोप आहे.

या प्रकरणी केजरीवाल यांच्यासह 3 जणांना अटक

‘आप’ नेते मनीष सिसोदिया आणि संजय सिंह यांना यापूर्वीच ईडीने मद्य धोरण प्रकरणात अटक केली होती. हे दोघेही न्यायालयीन कोठडीत आहेत. या प्रकरणी के कविता यांना 15 मार्चला तर मुख्यमंत्री अरविंद केजरीवाल यांना 21 मार्चला अटक करण्यात आली होती. सध्या केजरीवाल 1 एप्रिलपर्यंत तर कविता 9 एप्रिलपर्यंत रिमांडवर आहेत.

आरोपी विजय नायर गेहलोत यांच्या सरकारी बंगल्यात राहत होता

एजन्सीने याच प्रकरणात आधीच अटक केलेल्या आपचे कम्युनिकेशन प्रभारी विजय नायर यांच्याबद्दलही सांगितले होते की, नायर हे गेहलोत यांना दिलेल्या सरकारी बंगल्यात राहत होते. एखाद्या सार्वजनिक सेवकाने आपले सरकारी निवासस्थान वापरण्याची परवानगी दिल्यास ईडीने त्यांना गुन्हेगारी विश्वास भंग असल्याचे म्हटले होते आणि सीबीआयला या प्रकरणाची चौकशी करण्यास सांगितले होते.