The Kashmir Files : हिंदूंवर 800 वर्षे राज्य केल्याची वल्गना करणारा मौलवी फारूख आता माफी मागतोय!!

By, Pravin Wankhade - March 28, 2022 05:20:53

0

प्रतिनिधी

नवी दिल्ली : “द काश्मीर फाईल्स” सिनेमाच्या मुद्द्यावर हिंदूंविरोधात धमकी भरली भाषणे ठोकणारा राजौरीच्या जामिया मशिदीचा मौलवी फारुख आता माफी मागायला लागला आहे. मौलाना व्हिडिओ व्हायरल झाल्यानंतर, संपूर्ण देशातून मौलाना विरोधात संतप्त आवाज उठला. त्यानंतर मौलानांनी माघार घेऊन माफी मागितली आहे. Maulvi Farooq, who had ruled over Hindus for 800 years, is now apologizing

मौलाना फारुखने “द काश्मीर फाईल्स” या चित्रपटावर बंदी घालण्याची मागणीही तो या व्हिडिओत करताना दिसत आहे. हा व्हिडिओ व्हायरल झाल्यानंतर, देशभरात मौलवी फारूख विरोधात संतापाची लाट उसळली. त्यानंतर मौलवीने माफी मागितली आहे. लोकांच्या रोषाला आणि कायदेशीर पेचांना घाबरून माफी मागणाऱ्या या मौलवीने आपण कोणत्याही समाजाच्या नव्हे, तर सरकारविरोधात वक्तव्य केल्याचे म्हटले आहे.

Rajouri के मौलवी ने पहले #TheKashmirFiles पर ऊँगली नफरत और फिर मांगी माफ़ी pic.twitter.com/lGTQvU9a8i

— Ashish Kohli ॐ🇮🇳 (@dograjournalist) March 27, 2022

राजौरी के मौलवी साहब का कहना हैः
“यह फ़िल्म बंद होनी चाहिए… हमनें ८०० साल तुम पे हुकूमत की तुम ७० साल की हुकूमत में हमारा निशान मिटाना चाहते हो…”

दोस्तों, बिलकुल इसी तरह कश्मीर से कश्मीरी हिंदुओं का नाम ओ निशान मिटा दिया गया था। pic.twitter.com/Xm2SZJuxU9

— Vivek Ranjan Agnihotri (@vivekagnihotri) March 26, 2022

मौलवीचे स्पष्टीकरण

या व्हिडिओनंतर कायदेशीर कारवाईच्या भीतीने मौलवीने आणखी एक व्हिडिओ जारी करून आपल्या वक्तव्यावर स्पष्टीकरण दिले आहे. काश्मीर फाईल्स नावाने बनवण्यात आलेल्या चित्रपटात काश्मीरी पंडितांवर झालेला अत्याचार दाखवण्यात आला आहे. अशा प्रकारच्या चित्रपटांमुळे समाजातील ऐक्य बिघडते. माझ्या धार्मिक भाषणात मी सरकारकडे चित्रपटावर बंदी घालण्याची मागणी केली होती. आमचा कोणत्याही धर्माशी संबंध नाही. त्यापेक्षा मी म्हणतो काश्मिरी पंडित हे जम्मू-काश्मीरची शान आणि अभिमान आहेत. त्यांच्याशिवाय हे राज्य अपूर्ण आहे. कोणत्याही धर्माबद्दल माझे कोणतेही विधान नाही. माझे विधान समजून घेण्यात चूक झाली. माझे धार्मिक भाषण कोणत्याही जाती किंवा धर्माविरोधात नव्हते, तर सरकारच्या विरोधात होते, असं स्पष्टीकरण मौलवींनी दिले आहे.

“द काश्मीर फाईल्स”वर बंदी घालायला हवी. आम्ही 800 वर्षांपासून तुमच्यावर सत्ता गाजवली आहे. ती तुम्ही 70 वर्षांत मिटवण्याचा प्रयत्न करत आहात. अगदी अशाचप्रकारे काश्मीरमधून काश्मिरी हिंदुंचे अस्तित्व संपवण्यात आल्याचे या मौलवींनी आपल्या व्हिडिओत म्हटले होते.