ममता सरकार 5 महिन्यांत कोसळणार; केंद्रीय मंत्री शंतनू ठाकूर यांचा दावा

By, Pravin Pawar - July 17, 2023 08:00:06

0

वृत्तसंस्था

कोलकाता : पश्चिम बंगालमधील उत्तर 24 परगणा जिल्ह्यातील बनगावचे भाजप खासदार आणि केंद्रीय बंदरे, जहाजबांधणी आणि जलमार्ग राज्यमंत्री शंतनू ठाकूर म्हणाले, “सध्याचे राज्य सरकार पाच-सहा महिन्यांपेक्षा जास्त काळ टिकणार नाही याची मी खात्री देतो.” Mamata government will collapse in 5 month

येथील एका पक्षाच्या कार्यक्रमात ते बोलत होते. ते पुढे म्हणाले, “टीएमसीने नुकत्याच झालेल्या पंचायत निवडणुकीत मोठ्या प्रमाणावर धांदली केली नसती तर भाजपला हजारो जागा मिळाल्या असत्या.

खासदार मुझुमदार यांनी कलम 355 लागू करण्याच्या मागणीचा पुनरुच्चार केला

पश्चिम बंगाल पंचायत निवडणुकीचे मोठे अपडेट! राज्य निवडणूक आयोगाच्या आदेशानुसार ‘या’ जिल्ह्यांमध्ये पुन्हा मतदान होणार

ठाकूर यांच्या दाव्याच्या काही तासांनंतर, बंगाल भाजप अध्यक्ष आणि बालूरघाटचे खासदार सुकांता मजुमदार यांनीही सांगितले की ममता सरकार पाच-सहा महिन्यांत कधीही पडू शकते. यासोबतच पंचायत निवडणुकीत मोठ्या प्रमाणात झालेला हिंसाचार पाहता राज्यघटनेचे कलम 355 लागू करण्याच्या मागणीचा त्यांनी पुनरुच्चार केला. बंगालमधील सध्याच्या परिस्थितीत केंद्र सरकारच्या हस्तक्षेपाची गरज असल्याचे ते म्हणाले.

आमदार गटाचा पाठिंबा काढून घेण्याची शक्यता

मजुमदार म्हणाले- राज्य सरकार कसे चालते? याला निवडून आलेल्या आमदारांचा पाठिंबा आहे. आमदारांचा एक गट कधीही पाठिंबा काढून घेईल, अशी शक्यता आहे. त्यानंतर सरकार पडू शकते. मुझुमदार म्हणाले, समजा जनआंदोलन झाले आणि दबावामुळे आमदारांच्या एका गटाने राजीनामा दिला. ही दुसरी शक्यता आहे. राजकारणात कधीही कोणतीही शक्यता निर्माण होऊ शकते, असेही ते म्हणाले.