''महात्मा गांधी हे महापुरुष होते, तर पंतप्रधान मोदी हे...'' ; उपराष्ट्रपतींचं मोठं विधान! Mahatma Gandhi was a great man while Prime Minister Modi is the man of the age statement of Vice President Dhankhad

”महात्मा गांधी हे महापुरुष होते, तर पंतप्रधान मोदी हे…” ; उपराष्ट्रपतींचं मोठं विधान!

देशाच्या विकासाला विरोध करणाऱ्या शक्ती एकत्र येत आहेत, असं सांगत सतर्कतेचा इशाराही दिला आहे.

विशेष प्रतिनिधी

दिल्ली : उपराष्ट्रपती जगदीप धनखड यांनी सोमवारी (२७ नोव्हेंबर) महात्मा गांधी यांचे गेल्या शतकातील महापुरुष असे वर्णन केले आणि पंतप्रधान नरेंद्र मोदी यांना या शतकातील युगपुरुष असे संबोधले. Mahatma Gandhi was a great man while Prime Minister Modi is the man of the age statement of Vice President Dhankhad

जैन विचारवंत आणि तत्त्वज्ञ श्रीमद राजचंद्रजी यांच्या जयंती सोहळ्यात बोलताना धनखड म्हणाले, महात्मा गांधींनी सत्याग्रह आणि अहिंसेच्या माध्यमातून आपल्याला इंग्रजांच्या गुलामगिरीतून मुक्त केले. भारताचे यशस्वी पंतप्रधान नरेंद्र मोदी यांनी आम्हाला ज्या मार्गावर जायचे होते त्या मार्गावर नेले. मला तुम्हाला एक गोष्ट सांगायची आहे. महात्मा गांधी हे गेल्या शतकातील महापुरुष होते. तर नरेंद्र मोदी हे या शतकातील युगपुरुष आहेत.

“UCC अंमलबजावणीसाठी आणखी विलंब…” उपराष्ट्रपती जगदीप धनखड यांचं विधान!

धनखड म्हणाले की, राष्ट्रपिता महात्मा गांधी आणि पंतप्रधान मोदी या दोन महान व्यक्तींमध्ये एक गोष्ट समान आहे. त्यांनी श्रीमद् राजचंद्रजींना प्रतिबिंबित केले आहे. ते म्हणाले, ‘या देशाच्या विकासाला विरोध करणाऱ्या शक्ती आणि या देशाचा उदय पचवू न शकणाऱ्या शक्ती एकत्र येत आहेत. जेव्हा जेव्हा देशात काही चांगले घडते तेव्हा हे लोक वेगळ्या मूडमध्ये येतात. असे होऊ नये.”

धनखड म्हणाले की, धोका खूप मोठा आहे. जे देश तुम्ही आपल्या आजूबाजूला पाहता, त्यांचा इतिहास 300 किंवा 500 किंवा 700 वर्षांचा आहे, तर आपला इतिहास 5,000 वर्षांचा आहे.