फ्रेंच राष्ट्राध्यक्षांना त्यांच्या पत्नीने श्रीमुखात लगावली ? विमानातून उतरतानाचे दृश्य कॅमेऱ्यात कैद, व्हायरल झाला व्हिडिओ

By, Pravin Wankhade - May 27, 2025 07:30:04

0

वृत्तसंस्था

नवी दिल्ली : फ्रेंच राष्ट्राध्यक्ष इमॅन्युएल मॅक्रॉन यांच्या व्हिएतनाम दौऱ्याचा एक व्हिडिओ सोशल मीडियावर व्हायरल होत आहे, ज्यामध्ये त्यांच्या पत्नी ब्रिजिट मॅक्रॉन विमानाचा दरवाजा उघडताच त्यांच्या तोंडावर थप्पड मारताना दिसत आहेत. मॅक्रॉन रविवारी व्हिएतनामची राजधानी हनोईला पोहोचले, परंतु त्यांच्या राजकीय भेटीपेक्षा त्यांच्या पत्नीने थोबाडीत मारल्याचा व्हिडिओ चर्चेत आहे ज्यामध्ये ते त्यांच्या पत्नीसह पायऱ्या उतरताना दिसत आहेत.

रविवारी मॅक्रॉन यांचे विमान व्हिएतनामची राजधानी हनोईमध्ये उतरले. त्यानंतरचा व्हिडिओ सोशल मीडियावर व्हायरल झाला आहे, जो वृत्तसंस्था असोसिएटेड प्रेसने कॅमेऱ्यात कैद केला आहे.

व्हिडिओ क्लिपमध्ये विमानाचा दरवाजा उघडताच मॅक्रॉन तिथे उभे असल्याचे दिसून येते. यानंतर, ब्रिजिट मॅक्रॉन यांचे हात बाहेर येतात आणि त्या मॅक्रॉन यांच्या तोंडावर थप्पड मारताना दिसतात. मॅक्रॉन काही क्षणांसाठी स्तब्ध होतात, नंतर लगेच स्वतःला सावरतात आणि त्यांचे स्वागत करण्यासाठी विमानतळावर आलेल्या प्रतिनिधिमंडळाकडे हात हलवतात.

यानंतर, ब्रिजिटदेखील बाहेर आल्या आणि मॅक्रॉनसोबत पायऱ्या उतरू लागल्या. यादरम्यान मॅक्रॉन यांनी त्यांच्याकडे हात पुढे करण्याचा प्रयत्न केला पण त्यांनी पती मॅक्रॉनचा हात धरला नाही आणि दोघेही पायऱ्या उतरले.

Chandrashekhar Bawankule : ‘देशाला नाही समजू शकले, परराष्ट्र धोरण काय समजेल’

❗️ Macron's wife viciously SMACKS him in face pic.twitter.com/2zSalRFYLu

— RT (@RT_com) May 26, 2025

व्हिडिओ सोशल मीडियावर व्हायरल

हा व्हिडिओ समोर आल्यानंतर, तो सोशल मीडियावर खूप शेअर केला जात आहे. दरम्यान, व्हिडिओबाबत, फ्रेंच राष्ट्रपती भवन एलिसी पॅलेसच्या अधिकाऱ्यांचे म्हणणे आहे की, तो पती-पत्नीमधील हास्यविनोदाचा क्षण होता.

रॉयटर्स वृत्तसंस्थेच्या मते, एलिसी पॅलेसच्या एका अधिकाऱ्याने सांगितले की, ‘त्या क्षणी राष्ट्रपती आणि त्यांची पत्नी दौरा सुरू करण्यापूर्वी हसत होते आणि विनोद करत होते. हा दोघांसाठी एक खासगी क्षण होता.’

राष्ट्रपतींच्या जवळच्या एका सूत्राने फ्रेंच वृत्त प्रसारक बीएफएमटीव्हीला सांगितले की, दोघांमध्ये एखाद्या गोष्टीवरून प्रेमळ भांडण झाले असावे आणि दोघेही दीर्घ दौऱ्यापूर्वी एकमेकांशी हलकेफुलके गप्पा मारत असावेत. सूत्राने सांगितले की, ‘हा त्यांच्यासोबत घालवण्याचा क्षण होता.’ दुसऱ्या एका आतल्या व्यक्तीने सांगितले की दोघांमध्ये कदाचित एक छोटासा वाद झाला असेल.

मॅक्रॉन यांचा आग्नेय आशिया दौरा एक आठवडा चालणार आहे ज्यामध्ये ते प्रथम व्हिएतनामला पोहोचले आहेत. त्यानंतर ते इंडोनेशिया आणि सिंगापूरला जातील.