प्रज्वल रेवन्ना विरुद्ध लुकआऊट नोटीस जारी ; विशेष टीम अटकेसाठी करत आहे नियोजन!

By, Pravin Wankhade - May 2, 2024 06:17:09

0

२४ तासांपेक्षा जास्त वेळ देण्याची तरतूद नाही. एसआयटी या प्रकरणाचा तपास करत आहे.

विशेष प्रतिनिधी

बंगळुरू : जनता दल सेक्युलरचे नेते आणि कर्नाटकातील हसन लोकसभा मतदारसंघाचे खासदार प्रज्वल रेवन्ना यांच्याविरोधात लुकआउट नोटीस जारी करण्यात आले आहे. कर्नाटकचे गृहमंत्री डॉ. जी परमेश्वरा यांनी गुरुवारी सांगितले की, महिलांच्या लैंगिक छळाच्या आरोपांना सामोरे जाणाऱ्या प्रज्वल रेवण्णाला अटक करण्यासाठी लुकआउट नोटीस जारी करण्यात आले आहे.Lookout notice issued against Prajwal Revanna Special team planning for arrest

प्रज्वल सध्या परदेशात आहेत. या कारणास्तव विशेष तपास पथकासमोर (एसआयटी) हजर राहण्यासाठी आणखी सात दिवसांची मागणी करण्यात आली आहे. त्यावर ते म्हणाले की, २४ तासांपेक्षा जास्त वेळ देण्याची तरतूद नाही. एसआयटी या प्रकरणाचा तपास करत आहे.

JDS पक्षाचे एकमेव खासदार प्रज्वल रेवन्नांची खासदारकी रद्द; 2019च्या निवडणुकीत आयोगाला दिले होते खोटे शपथपत्र

मंत्री म्हणाले, “प्रज्वल रेवन्ना परदेशात गेल्याची माहिती मिळताच ही लुकआउट नोटीस जारी करण्यात आली आहे.” प्रज्वल रेवन्ना हे माजी पंतप्रधान एचडी देवेगौडा यांचे नातू आहेत आणि माजी मंत्री एच डी रेवन्ना यांचे पुत्र आहेत. याआधी अलीकडच्या काही दिवसांत हसनमध्ये खासदाराशी संबंधित कथित व्हिडिओ क्लिप फिरू लागल्या होत्या. हसन लोकसभा मतदारसंघातून ते एनडीएचे उमेदवार आहेत. या जागेसाठी 26 एप्रिल रोजी मतदान झाले होते.

SIT कायदेशीर मत घेत आहे

गृहमंत्री परमेश्वरा म्हणाले, “एसआयटी सदस्य आरोपीला वेळ देण्याबाबत कायदेशीर मत घेत आहेत. 24 तासांपेक्षा जास्त वेळ देण्याची तरतूद नसल्याने SIT त्याला अटक करण्यासाठी पावले उचलणार आहेत. याआधी एका महिलेने प्रज्वल आणि त्याच्या वडिलांविरोधात लैंगिक छळाची तक्रार दाखल केली होती. ते म्हणाले की, प्रज्वलविरोधात आणखी एका पीडितेने तक्रार दाखल केली आहे. मंत्री म्हणाले, “पीडितेचे जबाब नोंदवण्यात आले आहेत. दरम्यान, आणखी एका महिलेने तक्रार दाखल केली आहे, त्याबाबत मी माहिती देऊ शकत नाही.”