राम मंदिर प्राणप्रतिष्ठा सोहळ्यासाठी ५५ देशांच्या नेत्यांना निमंत्रण, राजदूतही होणार सहभागी Leaders of 55 countries invited for Ram Mandir

राम मंदिर प्राणप्रतिष्ठा सोहळ्यासाठी ५५ देशांच्या नेत्यांना निमंत्रण, राजदूतही होणार सहभागी

विश्व हिंदू फाउंडेशनचे संस्थापक आणि जागतिक अध्यक्ष स्वामी विज्ञानानंद

विशेष प्रतिनिधी

नवी दिल्ली : अयोध्येत 22 जानेवारी रोजी राम मंदिराचा भव्य प्राणप्रतिष्ठ सोहळा होणार आहे. या ऐतिहासिक दिवशी रामलल्ला नव्याने बांधलेल्या मंदिरात विराजमान होणार आहेत. या सोहळ्यासाठी देशभरातील सर्वच क्षेत्रातील दिग्ग्जांना निमंत्रित करण्यात आले आहे. Leaders of 55 countries invited for Ram Mandir

राजकारणापासून ते क्रीडा आणि अध्यात्मातील अनेक व्यक्तींनाही या कार्यक्रमाला उपस्थित राहण्याचे निमंत्रण देण्यात आले आहे. त्याचबरोबर ५५ देशांतील सुमारे १०० प्रमुख लोकांना निमंत्रित करण्यात आले आहे.

विश्व हिंदू फाउंडेशनचे संस्थापक आणि जागतिक अध्यक्ष स्वामी विज्ञानानंद म्हणाले की, २२ जानेवारीला अयोध्येतील राम मंदिराच्या अभिषेक सोहळ्यासाठी राजदूत आणि संसद सदस्यांसह ५५ देशांच्या सुमारे १०० नेत्यांना निमंत्रित करण्यात आले आहे.

राम मंदिराच्या भव्य अभिषेक सोहळ्याला पंतप्रधान नरेंद्र मोदी उपस्थित राहणार आहेत. त्याचबरोबर या सोहळ्यात उत्तर प्रदेशचे मुख्यमंत्री योगी आदित्यनाथ सहभागी होणार आहेत. दुसरीकडे, राष्ट्रीय आणि इतर प्रमुख पक्षांच्या नेत्यांना आणि प्रतिनिधींना निमंत्रणे पाठवण्यात आली आहेत. अयोध्येतील राम मंदिराच्या अभिषेक सोहळ्यासाठी काँग्रेस अध्यक्ष मल्लिकार्जुन खर्गे, सोनिया गांधी आणि पक्षाचे लोकसभेतील नेते अधीर रंजन चौधरी यांना वैयक्तिकरित्या निमंत्रण पाठवण्यात आले होते.

माजी पंतप्रधान मनमोहन सिंग आणि एचडी देवेगौडा यांनाही अभिषेक सोहळ्यासाठी आमंत्रित करण्यात आले आहे. विहिंपने राजदमधील लालू प्रसाद यादव यांच्याकडे वेळ मागितला आहे. येत्या काही दिवसांत विरोधी पक्षातील अन्य नेत्यांनाही निमंत्रणे पाठवली जाण्याची शक्यता आहे.