Lawrence Bishnoi : NIA आरोपपत्र ; लॉरेन्स बिश्नोई दाऊदच्या वाटेवर

By, Pravin Wankhade - October 13, 2024 06:00:08

0

700 शूटर्स, 6 देशांमध्ये गुन्हेगारीचे साम्राज्य

विशेष प्रतिनिधी

मुंबई : Lawrence Bishnoi लॉरेन्स बिश्नोई आणि गोल्डी ब्रार या गुंडांच्या टोळीवर राष्ट्रीय तपास यंत्रणा (एनआयए) सातत्याने कारवाई करत आहे. दरम्यान, एनआयएने गँगस्टर टेरर प्रकरणात कुख्यात गँगस्टर लॉरेन्स बिश्नोई, ( Lawrence Bishnoi ) गोल्डी ब्रार यांच्यासह अनेक कुख्यात गुंडांवर आरोपपत्र दाखल केले. एनआयएने यामध्ये अनेक मोठे खुलासे केले आहेत.Lawrence Bishnoi

एनआयएने आपल्या आरोपपत्रात म्हटले आहे की लॉरेन्स बिश्नोई आणि त्याच्या दहशतवादी सिंडिकेटचा अभूतपूर्व पद्धतीने विस्तार झाला आहे. दाऊद इब्राहिमने 90 च्या दशकात छोटे-मोठे गुन्हे करून आपले नेटवर्क तयार केले होते त्याच पद्धतीने त्यानेही आपले नेटवर्क तयार केले आहे. दाऊद इब्राहिमने अंमली पदार्थांची तस्करी, टार्गेट किलिंग, खंडणी रॅकेटच्या माध्यमातून आपले साम्राज्य उभे केले आणि मग त्याने डी कंपनी स्थापन केली. मग त्याने पाकिस्तानी दहशतवाद्यांशी हातमिळवणी करून आपले नेटवर्क वाढवले. तर दाऊद इब्राहिम आणि डी कंपनीप्रमाणेच बिश्नोई टोळीनेही किरकोळ गुन्ह्यांची सुरुवात केली. त्यानंतर त्याने स्वतःची टोळी तयार केली. आता बिष्णोई टोळीने उत्तर भारताचा ताबा घेतला आहे.

Baba Siddiqui : मुंबईत राष्ट्रवादीचे नेते बाबा सिद्दीकी यांची हत्या; 2 आरोपींना अटक, लॉरेन्स टोळीचा हात असल्याचा संशय

सतविंदर सिंग उर्फ गोल्डी ब्रार हा कॅनडाच्या पोलीस आणि भारतीय एजन्सीला हवा आहे, तो बिश्नोई टोळी चालवत आहे. एनआयएने सांगितले की, बिश्नोई टोळीत 700 हून अधिक शूटर आहेत, त्यापैकी 300 पंजाबशी संबंधित आहेत. बिश्नोई आणि गोल्डी ब्रार यांना सोशल मीडिया प्लॅटफॉर्म, फेसबुक, इन्स्टाग्राम, यूट्यूबच्या माध्यमातून प्रचार करण्यात आला. बिष्णोई टोळीने 2020-21 पर्यंत खंडणीतून कोट्यवधी रुपये कमावले आणि तो पैसा हवालाद्वारे परदेशात पाठवला गेला.

एनआयएनुसार, बिश्नोईची टोळी एकेकाळी फक्त पंजाबपुरती मर्यादित होती. पण त्याचा जवळचा सहकारी गोल्डी ब्रार याने हरियाणा, दिल्ली आणि राजस्थानच्या टोळ्यांशी हातमिळवणी करून मोठी टोळी तयार केली. बिश्नोई टोळी आता उत्तर भारत, पंजाब, उत्तर प्रदेश, हरियाणा, महाराष्ट्र, दिल्ली, राजस्थान आणि झारखंडमध्ये पसरली आहे. सोशल मीडिया आणि इतर विविध मार्गांनी तरुणांना टोळ्यांमध्ये भरती केले जाते. ही टोळी अमेरिका, अझरबैजान, पोर्तुगाल, यूएई आणि रशियामध्ये पसरली आहे.

तरुणांना परदेशात पाठवण्याचे आमिष दाखवतो

तरुणांना कॅनडा किंवा त्यांच्या आवडीच्या देशात हलवण्याचे आमिष दाखवून त्यांना टोळ्यांमध्ये भरती केले जाते. एनआयएच्या म्हणण्यानुसार, पाकिस्तानमध्ये राहणारा खलिस्तानी दहशतवादी हरविंदर सिंग रिंडा हा पंजाबमध्ये टार्गेट किलिंग आणि गुन्हेगारी कारवाया करण्यासाठी बिश्नोई टोळीच्या शूटर्सचा वापर करतो. काही दिवसांपूर्वी एनआयएने लॉरेन्स बिश्नोई, गोल्डी ब्रार यांच्यासह एकूण 16 गुंडांच्या विरोधात UAPA अंतर्गत न्यायालयात आरोपपत्र दाखल केले होते.