‘'राजस्थानमध्ये कायदा आणि सुव्यवस्था कोलमडली, संपूर्ण राज्यात जंगलराज'’ भाजपाचा गेहलोत सरकारवर निशाणा! Law and order has collapsed in Rajasthan Jungle Raj in the entire state Union Minister Gajendra Singh Shekhawat targets the Gehlot government

‘’राजस्थानमध्ये कायदा आणि सुव्यवस्था कोलमडली, संपूर्ण राज्यात जंगलराज’’ भाजपाचा गेहलोत सरकारवर निशाणा!

केंद्रीय मंत्री गजेंद्र सिंह शेखावत यांनी दर्शवली वस्तूस्थिती

विशेष प्रतिनिधी

नवी दिल्ली : भारतीय जनता पार्टीने राजस्थान सरकारवर टीका केली आहे. केंद्रीय मंत्री गजेंद्र सिंह शेखावत यांनी गेहलोत सरकारवर निशाणा साधत सांगितले की, “गेल्या साडेचार वर्षात राजस्थानमध्ये 10 लाखांहून अधिक गुन्हेगारी गुन्हे दाखल झाले आहेत. NCRB च्या आकडेवारीनुसार, महिलांवरील गुन्ह्यांमध्ये राजस्थान पहिल्या क्रमांकावर आहे. बलात्कार दलितांवरील अत्याचारासह अन्य गुन्ह्यांमध्येही राजस्थान पहिल्या क्रमांकावर आहे. Law and order has collapsed in Rajasthan Jungle Raj in the entire state Union Minister Gajendra Singh Shekhawat targets the Gehlot government

केंद्रीय मंत्री म्हणाले, “माध्यमांच्या वृत्तानुसार, राजस्थानमध्ये दररोज 17 ते 18 बलात्काराच्या घटना घडत आहेत आणि दररोज सुमारे 5 ते 7 हत्येचे गुन्हे नोंदवले जातात. आज राजस्थानची परिस्थिती अशी आहे की, गुन्हेगारांना बंदुकीच्या जोरावर तुरुंगातून सोडवले जात आहे. पोलिसांच्या ताब्यात असलेले गुन्हेगार टोळीयुद्धात एकमेकांशी भांडताना दिसतात. हे पाहून राजस्थानमधील सर्वसामान्य नागरिकांमध्ये भीतीचे वातावरण असून गुन्हेगारांचे मनोबल उंचावल्याचे स्पष्ट झाले आहे.

राजस्थानमध्ये कायदा आणि सुव्यवस्था कोलमडली असून संपूर्ण राज्यात जंगलराज आहे. सरकार आणि पोलीस प्रशासन घटना दडपण्याचा प्रयत्न करत आहे. करौली येथे एका दलित मुलीचे अपहरण, बलात्कार करून तिची हत्या करण्यात आल्याचे आपण पाहिले. या सर्व प्रकारानंतर मुलीची आई पोलिसांकडे गेल्यावर पोलिसांनी गुन्हा दाखल करू नका, तडजोड करा नाहीतर तुम्हालाही आतमध्ये टाकू, असे सांगितले. राजस्थानमध्ये अशा घटना रोजच घडत आहेत.