Arvind Kejriwal : केजरीवाल यांच्या न्यायालयीन कोठडीचा शेवटचा दिवस; सीबीआयच्या आरोपपत्राला आज देणार उत्तर

By, Pravin Wankhade - September 11, 2024 07:00:54

0

वृत्तसंस्था

नवी दिल्ली : मद्य धोरणाशी संबंधित सीबीआय प्रकरणात मुख्यमंत्री अरविंद केजरीवाल ( Arvind Kejriwal ) यांची न्यायालयीन कोठडी आज संपत आहे. सीबीआयच्या पुरवणी आरोपपत्राची दखल घेत दिल्लीच्या राऊस एव्हेन्यू कोर्टाने ३ सप्टेंबर रोजी केजरीवाल यांना समन्स बजावले होते. सीबीआयने अरविंद केजरीवाल, दुर्गेश पाठक, विनोद चौहान, आशिष माथूर, सरथ रेड्डी यांच्याविरुद्ध पुरवणी आरोपपत्र दाखल केले होते. यानंतर राऊस ॲव्हेन्यू कोर्टाने आरोपींना 11 सप्टेंबरपर्यंत जबाब नोंदवण्यासाठी मुदत दिली.

5 सप्टेंबर रोजी अरविंद केजरीवाल यांच्या जामीन याचिकेवर सुप्रीम कोर्टात सुनावणी झाली. केजरीवाल यांच्या वकिलाने युक्तिवाद केला की, केजरीवाल तुरुंगातून बाहेर येऊ नये म्हणून त्यांना अटक करण्यात आली, तर जामीन हा नियम आहे आणि तुरुंग हा अपवाद आहे.

Nagpur Mihan : नागपूर मिहान प्रकल्पग्रस्तांच्या समस्या सोडवण्यास शासनाचे प्राधान्य

केजरीवाल यांनी आधी जामिनासाठी ट्रायल कोर्टात जावे, थेट सर्वोच्च न्यायालयात येऊ नये, असे उत्तर सीबीआयने दिले. त्याला जामीन मिळाल्यास उच्च न्यायालयाची निराशा होईल. सुनावणीनंतर न्यायालयाने निर्णय राखून ठेवला.

आरोपपत्रात मुख्य सूत्रधारांमध्ये केजरीवाल यांचे नाव समाविष्ट करण्यात आले होते. एजन्सीने आरोप केला आहे की केजरीवाल हे मद्य धोरण घोटाळ्यातील मुख्य सूत्रधारांपैकी एक आहेत. केजरीवाल यांच्यावर खटला चालवण्यासाठी सीबीआयला 23 ऑगस्ट रोजी राऊस एव्हेन्यू कोर्टाकडून मंजुरी मिळाली होती.

सीबीआयने पाचव्या आणि शेवटच्या आरोपपत्रात म्हटले – केजरीवाल सुरुवातीपासूनच गुन्हेगारी कटात सामील होते. सीबीआयने सांगितले की, तपास पूर्ण झाला असून, मुख्यमंत्री अरविंद केजरीवाल हे दारू धोरण तयार करण्याच्या आणि अंमलात आणण्याच्या गुन्हेगारी कटात सुरुवातीपासूनच सहभागी असल्याचे समोर आले आहे. मद्य धोरणाचे खासगीकरण करण्याचे त्यांनी आधीच ठरवले होते.

आरोपपत्रानुसार, मार्च 2021 मध्ये तत्कालीन उपमुख्यमंत्री मनीष सिसोदिया यांच्या अध्यक्षतेखाली मद्य धोरण तयार केले जात असताना केजरीवाल यांनी पक्षाला पैशांची गरज असल्याचे म्हटले होते. त्यांनी आपले जवळचे सहकारी आणि आपचे मीडिया आणि कम्युनिकेशन प्रभारी विजय नायर यांच्यावर निधी उभारण्याचे काम सोपवले होते.