मणिपुरात अपहरण झालेल्या एएसपीची सुरक्षा दलांनी केली सुटका; मैतेई संघटनेच्या लोकांनी घरातून उचलून नेले होते|Kidnapped ASP in Manipur rescued by security forces; The people of the Maitei organization had taken it away from the house

मणिपुरात अपहरण झालेल्या एएसपीची सुरक्षा दलांनी केली सुटका; मैतेई संघटनेच्या लोकांनी घरातून उचलून नेले होते

वृत्तसंस्था

इंफाळ : मणिपूरमध्ये मंगळवारी अपहरण झालेल्या अतिरिक्त एसपी (एएसपी) अमित मायंगबम यांची पोलीस आणि सुरक्षा दलांनी सुटका केली आहे. त्यांचे अपहरण मैतेई संघटना आरामबाई टेंगोलच्या कार्यकर्त्यांनी केले होते. इम्फाळ पूर्वेत ही घटना मंगळवारी संध्याकाळी 6.20च्या सुमारास घडली.Kidnapped ASP in Manipur rescued by security forces; The people of the Maitei organization had taken it away from the house

अधिकाऱ्यांनी सांगितले की, एएसपी अमित यांना रुग्णालयात दाखल करण्यात आले असून त्यांची प्रकृती स्थिर आहे.

मणिपुरात एसपी कार्यालयात तोडफोड; वाहने जाळली, तिरंग्याचा अवमान, दोन जण ठार

वृत्तसंस्थेनुसार, इंफाळ पूर्व भागात पुन्हा एकदा तणावाची परिस्थिती निर्माण झाली आहे. दरम्यान, परिस्थिती नियंत्रणात आणण्यासाठी लष्कराला पाचारण करण्यात आले असून आसाम रायफल्सच्या 4 तुकड्या या परिसरात तैनात करण्यात आल्या आहेत.

एएसपींनी मैतेई संघटनेच्या 6 जणांना अटक केली होती

मंगळवारी संध्याकाळी मैतेई संघटनेच्या काही लोकांनी एएसपी अमित यांच्या घरावर हल्ला केला. यावेळी सुरक्षा रक्षक आणि सशस्त्र हल्लेखोर यांच्यात गोळीबारही झाला, त्यामुळे चार वाहनांचे नुकसान झाले. यानंतर मैतेईंच्या लोकांनी अमित यांचे अपहरण केले.

वास्तविक एएसपी अमित यांनी काही दिवसांपूर्वी मैतेईंची संघटना आरामबाई टेंगोलच्या 6 जणांना वाहन चोरीच्या आरोपाखाली अटक केली होती. यानंतर संघटनेने आपल्या सदस्यांच्या सुटकेसाठी आंदोलनही केले.

मुख्यमंत्री म्हणाले- जनतेने घाबरून जाण्याची गरज नाही

मणिपूरचे मुख्यमंत्री एन. बिरेन सिंग यांनी २५ फेब्रुवारी रोजी एका कार्यक्रमात सांगितले होते की, राज्यातील जातीय तणाव दूर करण्यासाठी शांतता उपक्रम सुरू करण्यात आला आहे. आता कोणीही घाबरण्याची गरज नाही. कोणत्याही परिस्थितीला तोंड देण्यासाठी सर्व भागांत सुरक्षा दल तैनात केले जाईल.