मुख्य साक्षीदार किरण गोसावीला पुण्यातून अटक, फसवणूक प्रकरणी कारवाई

By, Vishal Joshi - October 28, 2021 10:30:24

0

किरण गोसावी याला २०१८ च्या फसवणूक प्रकरणात ताब्यात घेण्यात आले असून तो फरार होता.२०१९ मध्ये त्याला पुणे शहर पोलिसांनी वाँटेड घोषित केले होते. Key witness Kiran Gosavi arrested from Pune, action taken in fraud case

विशेष प्रतिनिधी

पुणे : आर्यन खान प्रकरणातील मुख्य साक्षीदार किरण गोसावी याला महाराष्ट्रातील पुणे येथून अटक करण्यात आली आहे.फसवणूक प्रकरणी गोसावी यांच्यावर ही कारवाई करण्यात आली आहे. पुणे पोलिसांनी दिलेल्या माहितीनुसार, गोसावीला रात्री उशिरा अटक करण्यात आली आहे.

किरण गोसावी याला २०१८ च्या फसवणूक प्रकरणात ताब्यात घेण्यात आले असून तो फरार होता.२०१९ मध्ये त्याला पुणे शहर पोलिसांनी वाँटेड घोषित केले होते. तेव्हापासून तो बेपत्ता होता आणि क्रूझच्या छाप्यात फक्त एनसीबीचा साक्षीदार म्हणून दिसला होता.१४ ऑक्टोबर रोजी पोलिसांनी त्याच्याविरोधात लुकआउट परिपत्रक जारी केले होते.

२०१८ मध्ये कामाचे आमिष दाखवून तीन लाख रुपयांची फसवणूक केल्याचा आरोप

पोलिसांनी दिलेल्या माहितीनुसार, २०१८ मध्ये किरण गोसावी आणि शेरबानो कुरेशी यांनी पुण्यातील चिन्मय देशमुख नावाच्या तरुणाला मलेशियामध्ये नोकरी लावण्याचे आश्वासन दिले होते, त्या बदल्यात त्यांनी त्याच्याकडून तीन लाख रुपयांची फसवणूक केली होती. मात्र चिन्मयला काम न मिळाल्याने आता त्याच आरोपावरून किरण गोसावीला अटक करण्यात आली आहे.

NAWAB MALIK VS SAMEER WANKHEDE: लेटर बॉम्ब नव्हे फुसका फटाका ! मलिक म्हणाले वानखेडे लोकांच्या घरात ड्रग्स प्लांट करतो वानखेडे म्हणतात Nice joke

प्रभाकर सेल खोटे बोलत आहे : किरण गोसावी

त्याचवेळी, ताब्यात घेण्यापूर्वी मुख्य साक्षीदार गोसावी याने प्रभाकर सेल खोटे बोलत असल्याचे सांगितले. मला एवढीच विनंती करायची आहे की त्यांचा सीडीआर अहवाल जाहीर करावा. माझा CDR अहवाल किंवा चॅट जारी केला जाऊ शकतो. प्रभाकर सेल आणि त्याच्या भावाचा सीडीआर अहवाल आणि चॅट जारी करण्यात यावे, ज्यामुळे सर्व काही स्पष्ट होईल.

किरण गोसावी म्हणाले की, महाराष्ट्रातील एका तरी मंत्री किंवा विरोधी पक्षाच्या नेत्याने माझ्या पाठीशी उभे राहावे. किमान त्यांनी मुंबई पोलिसांना प्रभाकर सेलचा सीडीआर आणि चॅट देण्याची विनंती करावी. त्याचा अहवाल आल्यानंतर सर्व काही स्पष्ट होईल.